يالله ياللـي فيـك ملجـاي لاضـقـت=ياباعـثٍ بالهـدي خـيـر الخليـقـه
عفـوك ليـا منـي لدنيـاي فـارقـت=فـي يـوم مـا ينفـع شقيـقٍ شقيقـه
و اعوذ بك من زمرة الحسد و المقـت=اهـل النـفـاق مكذبـيـن الحقيـقـه
و من بعدها في عالـم الشعـر حلّقـت=بأفـاق فكـري و الهجـوس الطليقـه
قطفت مـن بكـر القوافـي و نسقـت=مثـل الـورود اليانـعـات الرقيـقـه
نصيحةٍ من عقب مـا نمـت و أفقـت=و قنعت من طـرد السـراب و بريقـه
صحيح انا عشت المراهـق و راهقـت=لا شـك جـودت السـلـوم العتيـقـه
ليا انساقوا اصحاب الردى فيه ما انسقت=النفـس تابـا و الــردى ماتطيـقـه
أمنـت بالخالـق و بالحـق صـدقـت=وكفرت فـي مذهـب بليـس و فريقـه
و يالعبد لو غرّبـت وجهـك وشرّقـت=مالك سـوى مـا يكتـب الله طريقـه
لولا عبادة خالـق الكـون مـا خلقـت=بأعظم نبـا ينبيـك و اصـدق وثيقـه
اغنم حياتك ياولـد و اكسـب الوقـت=العمـر بـيـن الثانـيـه و الدقيـقـه
عليك في شكـر النعـم و ان توفقـت=والصبر و ان صابك من الوقت ضيقـه
وعليـك باللـي يسعـدك لاتضايقـت=نـور الهـدى قـوت القلـوب المفيقـه
و ان جار بك وقتك و من حملك اشفقت=خـل الخليقـه و ارج رب الخليـقـه
و لاتتبع المن العطـاء و ان تصدّقـت=اتعـب علـى البـذره تنمّـي حديقـه
ارج العوض من كافل الرزق لانفقـت=يدفع مصـارع سـوء مـا لا تطيقـه
و صادق خيار القوم و ان كان صادقت=الرجل تعـرف شوفتـه مـن صديقـه
و كانك على اسرار المخاليـق وايقـت=لابـد عيـن النـاس يمـك مويـقـه
من دورة الاقـدار لـو كـان برّقـت=ماحـل فـي حـال العـراق الشقيقـه
من عقب ما هي جنّـةٍ بـأول الوقـت=اليوم شفهـا كيـف صـارت حريقـه
هذا كلامـي مـن بعـد مـا تحققـت=ان الحـيـاة الثانـيـة و الدقـيـقـه
تحياتي للجميع : محمد السريّع
العمـر بـيـن الثانـيـه و الدقيـقـه 
العرض العادي
