عظم الله اجر بيـت الشعـر وافـواج الخيـال=وإجبر الله قلب منهو بأول الموقـف صمـول
وارحم الله مـن سقانـا بالشعـر عـذبٍ زلال=جعل له في جنة الفـردوس منـزال ونـزول
ياطلال احزن قصيدي قام مع طـاري طـلال=نبرته حزن وخفوقـه بعـد ودعّـت أمعلـول
وقمت انا والشعر ننظر من قهر صوب الشمال=ودنا بالحـل لكـن ضاعـت دروب الحلـول
مالمحت الا دموعٍ من عيـون اقـوى الرجـال=ولاسمعـت الا تناهيـد الذيـابـه والخـيـول
واحتشد تسعين صـفٍ بعـد ماسـاد الـزوال=كل صف ألفين رجل وكل رجـل ألفيـن زول
ذبوا شمـاغ الوقـار وهلـوا سلـوك العقـال=وأعلنوا حزن الوفـا تسعيـن عـامٍ مايـزول
وشفت أجاء هو أجاء هـل دمعـه ثـم مـال=والجبل سلمى شخص من هول حزنه في ذهول
وشفت نفسي في عيون الشعر لال بوسـط لال=لال حزن ولال غبن وكل عرضٍ صار طـول
ياشيـوخ القـوم مابـه شـئ ينقـال ويقـال=ياصناديد الرجـال اهـل المعـزه وش نقـول
يالطنايا يارجـال المعرفـه فـي كـل حـال=ياطفل شمر مـدام انـك مطـر حنّـا سيـول
ياشعر انثـر دموعـك واحضنيهـا يارمـال=انحنوا للشيخ ابونـواف يـا اثقـال الزحـول
اقطعوا صوت السـلام وجنـدّوا كـل العيـال=وكلنا لعيون شمّـر مـن هنـا وبكـل حـول
ننتخي له من هنـاك إليـا شواهيـق الجبـال=والسكوت احيان اوفـى مـن كـلامٍ مايطـول
وقبل اختم القاف في الخاطر على الطاري سؤال=الاصل ليه إيتحاشى من ذكـر ابـن الاصـول
وفيه بالخاطر شطر بيتٍ بـدع نفسـه وقـال=انت يانواف كفـوٍ ترتكـي لأقسـى الحمـول
ايـه يانـواف ماللحمـل يـآكـود الجـمـال=وابتديت بحزن واختم قافـي بحـزن الملـول