يا ناويٍ تنسى الهواءىما انت ناسي
. ارسلت من ذكرى هوانا لك انفاس
نفسي وقلبي ماههون قلب قاسي
هاويك تكفى لاتوريه الاتعاس
يانور من نوره ضيا في غلاسي
شف حالتي يانور في ليل الادماس
لاغاب نورك مابليلي مواسي
وداعتك لايفترس قلبي الياس
تكفيه خمس سنين بين المراسي
ينطر حنانك مع مجاديف الاحساس
من كثر مايحتس لك شاب راسي
جفاك جزر ومد في بحر هوجاس
ظني بوصلك حايلٍ دون ياسي
عندي امل مالي ومالك من الناس
موج العواذل مايزعز مداسي
وافي بعهد الي بالاخلاص له ساس
ساس المحبه دون ناسك وناسي
في شرع ربي فوق عادات الاجناس
اغديك تغدي كل همي وباسي
من ضحكةٍ ياما غدابه من اوناس
انت الونيس الي تجدد لباسي
من راح عشقٍ بيننا دار له كاس
يكفي زمانٍ دار لي بالمئاسي
حرام نوم الناس بالعين ماداس
واشيب عيني وين هي والنعاسي
نوره طفى يوم اظلمت عنك الارماس
وابنتظر مهما يطول التناسي
يانورشوقي لك على حر محماس
مـــــــالك من الناس ( اثريه) 
العرض العادي
