الصدر ضاق وعاود القلب همه=بين الأمل واليأس .. كبوة جوادي
وقفت انادي بعالي الصوت يمه =وينك تعالي قلب بنتك ينادي
هاتي كفوفك في ضلوعي اخمه =وشوفي غلاك يزود داخل فوادي
ثوبك يعطر مهجتي يوم اشمه=وارتاح لاصارت ذراعك وسادي
روحي لــروحك معطف الحب ضمه=لا مانقص حبك برغم البعادي
يمه ويمه وينك اليوم يمه =عن حر شمس الكون انتي برادي
لايانفس دنياي عن كل غمه=لا يابعد حي الغلا والودادي
طموحي رضاك وضحكتك لي مهمه=ودعاك مطلوبي وغاية مرادي
(ريانه) اللي بالدعاء رطب فمه=الــله يحفظك دووم ..رب العبادي