حي منهو عنالي بالنشيد = يابونوره هلا بك ياهلا
جيتني جيّتكلي يوم عيد = يارفيقٍ مالنا عَنْه ابدلا
ياسقا الله يازمن جعله يعيد = مامضا ويْعيد ماكان انجلا
يوم كان الروض بالعشب المديد = والزهر من كل لون مجمّلا
هاكالايام تسواله رصيد = من ملايين بدروج ابخلا
سوج الاقدام والبال السهيد = تطرب النفس والعمر يحلا
بين نفْد وبين سوح وبين حيد = المهم يكون قفرٍ ويخلا
والحباري لاعدمتك له لبيد = بالشجر ولا هريبٍ وجْفلا
وعن يمينك اجردٍ كنّه جليد = من غتاره والفعل فعل بطلا
ومن يمينه خوة الراي السديد = واحدٍ شرواك بالطيب يعلا
والمعشّى لاقريب ولابعيد = يوم انا وياك والطير قبلا