يا أحلى أحلى حالمة (حاورتني) = في شعرها يفيض صادق شعوره
لقيتها ؛ ما أدري تدُور ولقتني؟ = في مثل ما تلقى الليالي بدوره
سحابةٍ من فيض مزنه روتني = لين أزهرت قاعي بزاهي زهوره
للذكريات الماضية شوقتني = اللي عليها القلب تلفح سيوره
يمكن نسيت أنساه؟! لوهي نستني = في كل لحظاتي خيالي يزوره
جفيتها ما أدري ظروفي جفتني = لكنها ؛ في شاشة الوعي صوره
و(الحالمة) من وحشتي ونستني = و(المنتدى) نوَّر بمشرق حضورَه
في قدرها بالحيل فوق رفعتني = من كثر ما تبدو خلوقه وقوْره
من روحها بالشعر روحي عطتني = وإزدانة الساحة بفايح عطوره
والريح مع نسمة صباها أنعشتني = ما أحس ذاتي بالمجال مْحَـصوره
نسمة (صبا نجدي) لها داعبتني = وتجبرت في عز ذاتي كسوره
بأحلى التحايا باللقاء بادلتني = في خاطرٍ ينضح بكامل سروره
إنسانةٍ ؛ بوجودها شرفتني = وإزددت فيها خف دم وحروره
ومرت علينا أيام ما فارقتني = يا كثر ما هي في حواري صبوره
يا كثر ما أختي العزيزة عطتني = مشاعرٍ طافت بحالم قصوره
وأظنها في ضُرفها دلعتني = كلِّي ؛ لها بالفضل نفسٍ شكوره