ارجيك انا ياعالم(ن) مابالاقدار=يوم ان هالدنيا غدت لي عجيبه
اقبلها وتقفي وانا اليوم محتار=ولاظنتي بالكون احد التجيبه
مير ارتجي منهو عليم(ن) بالأعمار = ينقذ اسير الكون يكفي تعذيبه
وعزيل ممثلي تطعم بالامرار = عايش مع العالم ولااحد(ن) دريبه
اضحك مع الاجواد وبداخلي نار = نار(ن) بوسط الجوف يوضي لهيبه
وادري بوسط الكون ناس(ن) لها كار= بالطيب والنوماس دوم نصيبه
واقولها بالصوت مانيب بثرثار= ولانيب من يضحك لحد حكيبه
لاواحسايف ماتخيلها الافكار= في ناس شوفتهم عندي مصيبه
سموني التايه في غب الابحار = يطرد سراب ويحسب انه يجيبه
وياللي لكم بالفكر مارد ومصدار= محد(ن) نشد نفسه هل هي صعيبه
مير ارتجي من هو عليم بالأسرار=اللي خلق آدم واعطاه هيبه
يومه وحيد(ن) والبشر مابعد صار=سخر له الدنيا ولاهي غريبه
غيره فلا ارجي لو الزمن جار = اللي يشوف النمل ويسمع دبيبه
ولالي جدى ياكود اقصد بالاشعار= على أجا وقدام عيني الحبيبه
اللي جماله فايق(ن) كل الاقطار=هي سبت جروحي وهي الطبيبه
ياما سهرت أيام وأيام تكرار =متذكر(ن) ناس(ن) عني مغيبه
لاشفت انا قبوره اصيرمنهار=واصفق بجدران الظلام الكئيبه
في مقبره برزان ملفى للاحرار= حول البويضا كم شيخن لفيبه
جيته وانا دمعي غدا مثل الامطار= ونيت ونة من عجز له طبيبه
على اللذي من دونهم بنيت اسوار= ياليتني معهم ولا هالمريبه
اريح اعيش الوقت ماهوب تذكار=وقت الشموخ اللي بحايل غدي به
اللي لهم ماضي يذكر بالاخبار= مع الشيوخ اللي ينورك شيبه
وانا اسيره لين قصاف الاعمار = لو زادت جروحي وصارت عطيبه
افداه انا واللي على ارضها سار = واللي بحضن امه يرضع حليبه
وصلاة ربي عد ماطايراً طار = على محمد عد شرق ومغيبه

هلا العليا

صـح بدنك اختي


دمتي متميزه


شاكر لك ردك


تقبلي تحياتي