ارجو ان تحوز على ذائقتكم الجميلة واسف على الغياب البسيط وان شاء الله تشفع لنا هذه القصيدة
دمتم سالمين
شفني على كف القدر والمقادير= اصارع اجراح الزمن في مكاني
اصبر على كثر البلا والمخاسير= واعن نفسي عن زعلها عشاني
ولاقول ليه وليه مامن تحاذير= ولاعدد اللي صار ماصار فاني
هذي مقادير الزمن والمناذير= نلقى بها ضوٍ مع الليل باني
ناسٍ تقول الشر وقولي عسى خير= بعض المواقف فيها كل المعاني
تنبيك لدروب الوفاء والمناعير= وتبني قواعد من حديد المباني
حتى يصير العلم واضح بتسطير= وتدل دربك يم ذيك المواني
الماء قراح ولابه ايات تعكير= اشرب زلالٍ تل حبل السواني
مافات فات وصار عندي تباشير= ماهمني شخصٍ برمحة رماني
خليت عرفة لن عرفة بتغرير= ماهو صحيبٍ سد كل الاذاني
راعي مصالح ماله اليوم تقدير= دامه حقيرٍ ياجماعة وداني
الاّ قصيرٍ لردى قدرة صغير= ضعيف نفسٍ كل ليلة يعاني
بس الصحيح انه لعمري تباصير= درسٍ فهمته في علوم التفاني
هذي مواقف خير ولابه ابد ضير= تنْور طريقي في متاهة زماني
شفني جبل من سبتك ياعصيفير= سبحان ربٍ ملهم اللي كواني
هذا انا ابوسط كل الاعاصير= ثابت مكاني ماتزحزح كياني
$$$المواقــــــــف$$$ 
العرض العادي
