يوم شفته وسط هـاك المعمعـه
رفرف الخفـاّق وازدان القصيـد
الشوارع لامشـى لوهـي سعـه
اِتّضايق لنّـه الشخـص الفريـد
ويش اسوّي ياحمدْ قلبـي معـه
اشهد إني عايش(ن) بعده وحيـد
واشهد إني دون شوفـة مسفعـه
ضايع(ن) كلّي وحزنـي مستزيـد
لبّـى ضحكاتـه ولبّـى مفرعـه
نرجسيّة من يراعـي لـه فقيـد
أذكر الله من عيـون(ن) تسبعـه
يحفظه من كلّ شيطان(ن) مريـد
القمـر لابـان يشبـه مطلـعـه
وإن تبسّم قلت له هل من مزيـد
الوصـوف النـادره متجمّـعـه
في محيّا الشادن الترف الشريـد
لو يبيني أجمع الطـرح أجمعـه
ولو يبيني أبقى في صفّـه بليـد
والدوايـر لويـقـول امربّـعـه
قلت لـه لافـضّ فـوكَ ياعميـد
ولـو يقـول إن الزوايـا أربعـه
للمثلث قلت لـه شـي(ن) أكيـد
آتغيبـا وآتغيـشـم واسمـعـه
المهم أبقى معه لـو مـن بعيـد
حتى فيثاغورس لو جـاه أقنعـه
وراجع احساب النتايج من جديـد
ولو يقـول إن القصايـد منبعـه
الفراهيـدي يشكّـك فـي لبـيـد
فدوه لو دنياي صـارت زوبعـه
ولو يصير العمر بسبابـه زهيـد
ويش اسوّي ياحمدْ غصب اتبعـه
كنّه السلطـان واشلائـي عبيـد
والعـواذل لـو تهدّدنـي دعـه
غيـر كـلاّ أو لمـاذا مـا ازيـد
كـل مافينـي يحرضنـي طعـه
وآنا من قبل اعرفه رجل(ن) رشيد
يعني احبّه وكـل شـي أصدعـه
لجل عينه والمهم يبقـى سعيـد
دون مجداف وسواري وأشرعـه
اِرتميت بأبحره الصعب العنييد

ولـو يقـول إن الزوايـا أربعـه
للمثلث قلت لـه شـي(ن) أكيـد



ناديت

صح نقلك

تحياتي