غليص
فرقاك عيد و ينحسب ضمن الاعياد= وبـُعدك يطفي داخلي لاهب النار
بريت جروح ٍ مالها قربك اعداد= وارتاح قلب ٍ من تغليك محتار
والهاجس اللي ينظم بيوتٍ جداد=حضـَّر تواصيف القوافي والاشعار
قلبي غليص وعشرتك قوم زواد=وطبعك مثل مناع خاين وغدار
والحال حاله حالة وليْد رداد=يوم ٍ رمنـّه عند الاغراب الاقدار
والبال من ضيم المقادير معتاد= ماهي غريبه لو خفا الوقت يندار
خليتني عِـبره على روس الاشهاد= وليا سألتك والم بجيب الاعذار
يامـا سهرت الليل كـله والاسهاد= وياما طويت البيد لجلك والاسفار
حرمت عيني ياهوى لذة رقاد=وآطا لجل وصلك متاهات واخطار
من بعدها تجزاني بصد وعناد= لاتعتذر وتقول لي صار ماصار
الياس خيم بالحشا وثبت اوتاد= وشدت ركايب للأمل عن ذرى الدار
كله من اسبابك عسى مالك افواد =خليت بيني وبينك ابواب واسوار
حل الفراق اللي غدى ضمن الاعياد = والبعــد طـفى داخـلي لاهب النار
غليص 
العرض العادي
