بعد مرور عام على اغتيال البطل الشهم الشجاع الوافي للشعب والوطن
صدام حسين رحمة الله عليه
العـام فاضـت دمعـتـي لاجــل صــدام=والصـدر يشكـي زود هــم وهظيـمـه
فــي لحـظـةٍ قــدم لتنـفـيـذ الاعـــدام=الـحـكـم ظـالــم واغتـيـالـه جـريـمــه
وكـل العـرب تشـوف شعـبٍ وحـكـام=ولاهـمـهـم تـقــل القـضـيـة قـديـمــه
لكن البطـل حصـل منـه تـاج ووسـام=وشـهـادةٍ تحـمـل شجـاعـه وشـيـمـه
فـعـل بـطـل ومـوثـقٍ عـبـر الاعــلام=مايجـحـده غـيـر العـقـول السقـيـمـه
شجاع عكـس اللـي يقولـون الاقـزام=ولايـنـكـر الافـعــال نـــاسٍ فـهـيـمـه
موتـة شـجـاعٍ بــددت كــل الاوهــام=وسجـل لـه التـاريـخ معـنـى وقيـمـه
ادا الشـهـاده كامـلـه والـحـدث هـــام=عـسـاه فــي بــرد الجـنـان ونعيـمـه
لكـن البـلا اليهـود تهـيـن الاســلام=وشعبٍ فقد في عيد الاضحى زعيمـه
بعـد وفاتـه صـارو احـزاب واقـسـام=وزعـامـة الاحــزاب مـاهـي سليـمـه
اهل الردا والعيـب مـع فعـل الاجـرام=قــــوادة الـمـحـتـل حــقــه شـتـيـمـه
اهدافـهـم سـيـه مــع النـهـب للـخـام=عــادة عـلـى فـعـل الخيـانـه حليـمـه
الـشــر مـنـهـم سايداًلـلـوطـن عـــام=على الوطن مـن فعـل الانـذال غيمـه
واللـي يقـول الحـق يحكـم بـالاعـدام=واهـل الشـرف تكتـب عليهـم تهيمـه
وامجادهم راحت مثل وصف الاحلام=والشعـب ضاعـة مـن قـواه العزيمـه
رمز الوطن لاهل الوطن درع وحزام=بـغـداد صــارت بـعـد مـوتـه يتـيـمـه
العـام فاضـت دمعـتـي لاجــل صــدام=والصـدر يشكـي زود هــم وهظيـمـه 
العرض العادي
