بعد الغياب ولكل من سكنت قلوبهم في حائل نت وسكنوا قلبي في رابط الحب الاخوي أهديهم جميعاً هذه المتواضعه التي تسموا بهم مع رجائي الخاص لأخواني المشرفين على القسم بضم جميع قصائدي في الديوان الذي أكرمتموني به في حائل نت لأ ني لاأملك خاصية الإضافه عن طريقي لسياسه متبعه في الموقع حتى يكون هذا الديوان هو ثالث دواويني فالأول في( نجم المواقع /والثاني في قمة العرب/ والثالث في حائل نت)
مادام الورق له صدر واسـع يضـمّ البـوح=أبهدي عيونك بـوح روحٍ معـك ذابـت
وانا الليّ قَرِيْتَك ياكتـاب الغـلا المفتـوح=ولك صورةٍ مـن محجـر العيـن ماغابـت
حبيبي وانـا فـي غَيْبِتَـك بلبـلٍ مذبـوح=مُعَلَّقْ على اغصان الرجا اللي معك خابـت
تصافقني اقداري وانـا مرهـق ومطـروح=وعيوني عليك من السهـر يالغـلا شابـت
(مسا الحب)يامَنْ تسكنين النظـر والـروح=(مسا كل نبضة قلـب )فِغْيَابَـكْ ارتابـت
(مسا كل دمعه) من عيـونٍ تحـب النـوح=وعليك انت كم ودّت من الدمع (كم جابت)
(مسا كل طعنه) في خفوقٍ تشوحـه شـوح=يدين الزمن وطعونك الخُضُـر مـا طابـت
سقى الله زمانٍ كان بـه فرفشـه ومـزوح=وَ لاَ كان شوك الْبُعـد فـي تُرْبَتِـيْ نَابْـتْ
زمان الوصل يومك عليّـه تجـي وتـروح=وانا المذنب وروحي من الذنب مـا تابـت
قبل مايجي دمعك على وجْنِتِـكْ مسفـوح=وانا دمعتي مـن محجـر اعيونـي انسابـت
قبل سالفة فرقـى بهـا جـارح ومجـروح=رمى الوقت رمح ورَمْيِتَهْ بالصـدر صابـت
ورب العيـون السـود يالجـادل المملـوح=ذبحنـي غيابـك والغـلا بالحشـا ثابـت
أخوكم / عبدالله سماح المجلاد
ورب العيـون السـود يالجـادل المملـوح 
العرض العادي
