قالوا قتل وقلت وين العروبه = ياحيف كيف الدرع صفته الانذال
من ناس معروفه ياما التجوبه = و سموه في حربه درع الانفال
واليوم كلن بندقه يم صوبه = غدا لهم مرمى من الجال للجال
درع العرب من بينهم اللعبو به = في يوم ماظنيت يطري على البال
في عيد الاضحى اركضوا ثم جوبه = لصالتن يذهل بها كل رجال
وقف بها وقالوا قل اليوم توبه = قال العمر مره وخوذوه بالحال
وقال حق الموت ثم خفسو به = من بعد ماقال الشهاده على الحال
يحسبونه مات وهمَ لفوبه = بقلوبنا عايش رجال وعيال
باسباب دمار شامل صارت اكذوبه = وبانت نواياهم خبيثين الاعمال
وعزاه من وقتن بانت عيوبه = مير اتعض ياباني كثر الامال
اشوف انا وقتك صاير اعجوبه = فيه الجبان يشيخ والقرم مهتال
لا تحسبون الطفل يسكت بنوبه = طفل العرب معروف في كل الاحوال
لابد ماياطون ناس وطو به = تحت القدم حتى لو الزمن طال
كافي خنوع ومذله تروبه = فقدان الاحساس عارن للأجيال
وترا الرحى داير صوبك وصوبه = ولابد ما تشرب من الذل فنجال
هذي رحا تمشي على شوي دوبه = وعزيل من ينساه في كل الأحوال
وحنا بجلستنا نخوض الحروبه = بأمجادنا الي غدت مثل الأطلال
والموعظه قدامكم احرقو به = وانتم على الماضي تباهون بامثال
عهدن علي مانساه لو كان نوبه = يفداه روحي وما ملكته من اموال
ويفداه منهو نظرته حول ثوبه = ويفداه كل الكون عرضن بالأطوال
معاد لي في وقت هذي دروبه = الموت اشرف من حياتن بها ذلال