يابنت غيرك داخل القلب مافيش=وروحي عليك امّ وهَجَرْهَا وَلَدْها
ياغايبـه هَمّشْنِـيْ الوقـت تهمـيـش=بَعْدِكْ وروحـي ظلـم وقتـي سَرَدْهَـا
(وينك)( تعالي) نعطي الحزن تطنيـش=ياللّي معـك روحـي تفـارق نكدهـا
النادل ازرى ينتظـر منـك بخشيـش=وانتي شِفَاتِك مَـا وِفَـتْ فـي وَعَدْهـا
ياكنّ في مَبْسِمْك نقطـه وتفتيـش=يِسْعِد (لِـي)النقطـه ويسعـد(بَلَدْهَـا)
ياملح (اَهَلْ صبيا)وسُكّرْ(أهل يـش)=يَاهَيْبـةٍ مَـاجَاوِبَـتْ مِـنْ نِشَدْهـا
يارّهف من(الديباج)وانْعَم من (الريش)=وارْفَقْ مـن الأم الحنـون ابْ(وَلَدْهـا)
(وَاعْذَبْ)من الما (للكبـود) المعاطيـش=(والـذّ) مـن سجـدة تَقِـيٍّ سجـدهـا
يا توت/يا عنّـاب/ ياخـوخ/ ياأيـش=ياللـي تَعَلَـق فـي خفوقـي وِتَـدْهـا
يا للي معك مَا يَعْرِف الفكـر تشويـش=يا عـودة الراحـه علـى مـن فقدهـا
من غير ليش ولعنـة الله علـى ليـش=خَلّي عيونـك تِـرْوِي اللّـي وَرَدْهـا
يابنـت يِسْعِـدْ رب عينيـك بشويـش=(مِنْكِ)الخطايا طاب لي لَمْس (يَدْهَـا)
يَاهِي لها لذّة معـك نـزوة الطيـش=وابليـس يزرعهـا لِكَفّ ٍحصـدهـا
يا مَوجعتني بالرمـوش المراهـيـش=روحي لـك الله ليـل حبّـك هَجَدْهَـا
ياللي بدونك عيشة اليُتـم انـا اعيـش=واقسى/ بَعَدْ /واشدّ/وامـرّ/وادهـى
تعبـت انبّـش قبـر الاوجـاع تنبيـش=حتـى لِمَسْـت الْمَيِتَـه فـي لَحَـدْهَـا
وكان الغلا يابنـت قـوت الدراويـش=أهل الغِنَى هانت علـى اللّـي حسدهـا
هاك المشاعر جيـش ياقايـد الجيـش=قِدْهَـا علـى مجنـون عينيـك قدهـا
يا اطْهَر جَسَد قبل اهْجُرْ العقل واشيـش=خذنـي مثـل ملبوسـهـا ياجِسَـدْهـا