السلام عليكم ورحمة الله وبركاته :
هذه قصيدة المبهمه من (قديمي)
ماضنتي تنسى الشعر والمكاتيب=ولاضنتي تنسى دواتي والاقلام
وماضنتي تنسى الوله والمواجيب=ولاضنتي تنسى منانا والاحلام
وماضنتي انه يجي يوم وتغيب=ولاضنتي تنسى الولايف والاعلام
وماضنتي تنسى الولع والمزاهيب=ولاضنتي ترجع وانا أقول قدام
وماضنتي تبقى بعال المراقيب=ولاضنتي تنسى الصور وسط الافلام
وماضنتي تنسى المطر والمرازيب=ولاضنتي تنسى وجودي والآلآم
تكفى ترفق لايجي يوم وتليب=تبقى وحيدٍ في لباسك وهندام
تكفى ترفق لايجي يوم ونجيب=العيد بانفسنا مثل فعل صدام
تكفى ترفق لايجي يوم وتصيب=ناسٍ وفيّـه باللوازم والالزام
ابي اتحدى عارفين المواجيب=منهو بقى في دنيته شيخ مقدام
منهو بقى في دنيته للواليب=دنياك مادامت لحامٍ بعد سام
دنيا تقلب مثل عجل الدواليب=يومٍ بعد يومٍ وعامٍ بعد عامٍ
الشك زايل والخواطر معازيب=واللي يلوم الناس يرجع وينلام
دنيا تغطي راس طفلك من الشيب=اسلام في كفرٍ وكفرٍ بالاسلام
لاتآمن الدنيا بمالٍ وسط جيب=صبحك غناة وبالمسى فقر واجرام
الديك حايم والحصيني غدى ذيب=النسر غرّد والخفافيش تنرام
الحق منفي والرجوله بها عيب=ومن شاع زلاته مسك حبل وزمام
هذا هو الدستور مكرٍ وترغيب=بأهوال كنك عايشٍ وسط الالغام
دنيا دنيه كنها عرش تنصيب=تسعد لها ناسٍ وتبكي لها اقوام
تعبير واللي جاي يعلم به الغيب=والله على المعبود والي وعلاّم
هذي قصيده مبهمه كلها ريب=تعبير عما شفت من ضيم الايام
اتمنى ان تكون قد حازت على اعجابكم ....
(( " المبهمه " )) 
العرض العادي
