على ذكرى الالم جيت والا ياليتني ماجيت 000مرثيـّـه

قـائـمـة الأوسـمـة · 05-Jul-2008, 08:47 AM

على ذكرى الالم جيت والا ياليتني ماجيت = كتمت الصرخه بصدري ووطت بالنار رجليــّـه
حزنت وحزني اغرقني 00انا للحزن صرت البيت = عقب فرقاه وش باقي سوا آهــات مخفيــــّـه
الا ياجرحي اللي كل ماقالوا رحل ونيت = مضت اعوام من عمري عقب فرقاه منسيـــّـه
رحل عن دنيتي كله ولكنه معي مو ميت = يعيش بداخل اعماقي مادامي ياعرب حيـــــّـه
رحل وتهت بالغربه تقل مالي برحيله بيت = وانا من غيبته مارحت عن داره لو شويـــــّـه
رحل وضاعت احلامي وتهدَّم كل ماسويت = ولولا الخوف من ربي لطمت الخد بيديـــــّـه
رحل وايامي تعدي وانا بالوقت ماحسيت = تمر سنين وتعدي عقب مامات هي هيــّـه
رحل وضميت انا ثوبه على صدري ولاطفـّيت = لهيب النار بضلوعي تشب وتلتهب فيـــّـه
رحل وشماغه بأيدي وريحه كل ماشميت = ألا ياريحة الغالي أنا عقبه شقــــــــاويـــّـه
رحل واوراق تحضيره معي ودفتره وكم بيت = كتبها باسفل اوراقه حسين الروح والنيــّـــه
رحل "مشعل" وعلى موته بكيــــت إلين مابكـّيت = جميع اللي نهاني عن دموعي ودمعته عيـــّـه
رحل "مشعل" عظيم المرجله شيخ الكرم والصيت = رحل ذاك العطوف اللي ابد ماينلقى زيـــّــه
اخوي اللي عقب موته عرفت الغير وانذليت = ولاشفت النور في حايل ولاسلمى ولا طيـــّـه
رحمك الله يالغالي وانا بصبر ولو عانيت = ياربي تمسح ذنوبه وتبدل بعفوك السيــــّـه
عسى قبرك عليك انوار ادعي كل ماصليت = وعسى مثواك فردوسه ومعك ستين حوريــّـه
على ذكرى الالم جيت ووقفت شوي ثم قفيت = وكتبت بمشعل الغالي من الاحزان مرثـيـــّـه

ولـــكــــمـــ مــنـــي كــــل الحــــب والتـــقـــديــــر ،،، ترف الشمــري

قـائـمـة الأوسـمـة · 05-Jul-2008, 11:06 AM

رحل وايامي تعـدي وانـا بالوقـت ماحسيـت
تمر سنين وتعـدي عقـب مامـات هـي هيّـه

رحل وضميت انا ثوبه على صـدري ولاطفّيـت
لهيب النـار بضلوعـي تشـب وتلتهـب فيّـه

رحل وشماغه بأيـدي وريحـه كـل ماشميـت
ألا ياريحـة الغالـي أنـا عقـبـه شقـاويّـه
:
:
آه ياترف أنشطرت روحي بجانب هذا المتصفح..
وتذكرت ماذكرتي ..وأنتفضت الجراح من سباتها ..
رحم الله مشعل وجعل مسكنه روضا .. أخضرا
ورحم جميع موتى المسلمين ..
غاليتي ..أبعد الله الحزن عن قلبك الطاهر أبد الدهر
محبتي لروحك النقيه ..

05-Jul-2008, 12:38 PM

الشاعرة الرائعة المليئة بالاحساس الشعري الفريد

تــــــــــــــــــــــــرف الحايلية

صح السانك وابعد الله بأسك وجعل كل ايامك فرح

اللهم ارحم امواتنا واموات المسلمين واسكنهم فسيح جناته

اختي لقد اثرتي احاسيسنا بالحزن والمواساة رغم جمال ماكتبتي فلقد اجتمعت مشاعر الحزن في داخلي وكان ماتكتبين عبر عن مابداخلي فهذه الدنيا فيها الشيء الكثير من الحزن وكذلك من الفرح فلابد لنا كمسلمين ان نعيشها كما هي ونرضي بما فسم الله لنا

الله يعطيك العافية ابدعتي بكل ماتحمله الكلمة من معنى والى الجميل القادم من شعرك الفريد

قـائـمـة الأوسـمـة · 05-Jul-2008, 08:13 PM

رحمك الله يالغالي وانـا بصبـر ولـو عانيـت
ياربي تمسـح ذنوبـه وتبـدل بعفـوك السيّـه
عسى قبرك عليك انوار ادعـي كـل ماصليـت
وعسى مثواك فردوسه ومعـك ستيـن حوريّـه

آآآآآمين
آآآآآمين
آآآآآمين
آآآآآمين

شاعرتنا القديرة ترف

صح لسانكـ

وعلا شانكـ

قصيدة مؤلمة

رحم الله الفقيد وأسكنه الله فسيح جناته

دمتي ودام إبداعكـ

قـائـمـة الأوسـمـة · 05-Jul-2008, 11:53 PM

الشاعرة القديرة :
(,, ترف حائل ,, )
لاشك انها قصيدة رائعة
وتحمل مشاعر نبيلة
وتترهل عواطف ..
صح فكرك
وطاب حرفك
دمتي .. ودام تواصلك
ولكي .. مني عطر التحايا

قـائـمـة الأوسـمـة · 06-Jul-2008, 12:36 AM

رحم الله مشعل
وأسكنه الفسيح من الجنان

صح لسانك أختي ترف الحايليه

قصيده رآئعه ومليئه بالحزن

وتقبلي مروري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري