للشاعر المقدم / نمر السحيمي الحربي - رحمه الله -
قد قال هذه القصيده قبل وفاته
لأنه رى في المنام أن منادياً يناديه
وأنه ميت فقال هذه القصيده وأودعها في درج مكتبه
وعندما توفي .. وعند تفتيش مكتبه وجدوها فيه
رحمه الله رحمة واسعه ... فقد عزى نفسه قبل أن
يشيعه المشيعون ..
فإلى القصيده=
جاني وانا في وسط ربعي وناسـي =جاني نشلني مثل ما ينشـل النـاس
مني نشـل روح تشيـل المآسـي =تشكي من ايام الشقى تشكي اليـاس
اثر الالم في سكره المـوت قاسـي =ماهالني مثله وانا انسـان حسـاس
جابوا كفن ابيض مقاسـه مقاسـي =ولفوا به الجسم المحنط مع الـراس
وشالوني اربع بالنعـش ومتواسـي =عليه ومغطى على جسمـي البـاس
وصلوا علي وكلهـم فـي مآسـي =ربعي ومعهم ناس من كل الاجناس
ياكيف سـوا عقبنـا تـاج راسـي =وامي الحبيبه وش سوى بها اليـاس
اسمع صدى صوت يهز الرواسـي =قولولهـا لاتطلـم الخـد يـانـاس
قولولها حـق وتجرعـت كاسـي =لاتحترق كل يبي يجـرع الكـاس
اصبحت في قبري ولابـه مواسـي =واسمع قريع نعولهم يـوم تنـداس
من يوم قفوا حـل موثـق لباسـي =وعلى رد الروح صوت بالاجراس
هيكل غريب وقـال ليـه التناسـي =صوته رهيب وخلفه اثنين حـراس
وقف وقال ان كنت يانمـر ناسـي =هاذي هي اعمالـك تقـدم بكـراس
ومن هول ماشفته وقف شعر راسي =وانهارت اعصابي ولاارد الانفاس
ياليتنـي فكـرت قبـل انغماسـي =بالغفلـه اللـي منتهاهـا للافـلاس
وفزيت من نومي على صوت ناسي =واصرخ واقول الموت وأحذر الناس
رحمة الله عليه
ضابط سعودي يرثي نفسه قبل وفاته بيومين 
العرض العادي
