فز الخفوق ..
بدون مقدمات .. ولا أدري ليه فز ..
:
فز الخفوق .. ودمعة العين طاحه=وجاء للمشاعر من صدى القاف تأثير
ومنها الحواس الخمس لجة نياحه=غاضت وفاضت في سماء الوجد تعبير
والفارس الضرغام طوّح سلاحه=وأقفى يشيل جروح صدره مغاويير
تبي الصحيح .. انااحسب انك براحه=كنت أجهل الواقع وحكم المقادير
كنت احسبك بالحب تشرب قراحه =كنت احسبك سالي وكنت ارسمك غير
وبان الصحيح وغيمة الشك زاحه=وصرنا نصور واقع الوقت تصوير
شفنا الحلم تأطاه رجل الوقاحه =وشفنا الغدر كسى الوجيه المسافير
وينك تعال اسبح بعيني سباحه=لك الغلاء يجتاز حجم المعايير
صدري غدى لهموم قلبك براحه=اسكن ضمير ماطرى فيه تغير
في مجلس أشواقي يفوق المساحه =شرواك عطره فوح صفر مباهير
يسعد حضورك واسعد الله صباحه=يسعد مساء عمرك وتصبح على خير
:
ولكم مني .. عطر القوافي ..
يسعد مساء عمرك وتصبح على خير ..!! 
العرض العادي
