ماعاد يشعل حنيني عقرب الساعـه=ولا عاد بيهمني كم راح..كـم باقـي
وحيد اقتات حزن الليـل واوجاعـه=وحيد-فعلاً وحيد-الا مـن اشواقـي
مجنون هالحلم عيّت تضبط اوضاعه=مدري هو الدرب ولا المشكله ساقـي
ودام القلم ماتجاوز رغبـة اصباعـه=ابسبل الشعر فيني وافضح اعماقـي
واللي عطى للرحيل القاتـم شراعـه=حرر رياحه ولكـن احكـم وثاقـي
وبقيت انسـان لكـن روح ملتاعـه=في غربة الروح يرحم حلم ترياقـي
كانت هنا بالضلوع تفـوح نعناعـه=وتخلّي اجواء قلبي صـارخٍ راقـي
لو مرّت ارض المدائن تقلبـه قاعـه=ويحيا بها الغصن والأوراق والساقي
ولو مرّت..ولا بلاش الشعر واطماعه=قبل انتهي من قصيدي هاكم الباقـي:
قررت احرر يميني واحذف الساعـه=أبخلع الوقت..واتبع خطـوة نياقـي!
نعناعة! 
العرض العادي
