متى على الله تنطفي جمرة الصيف ....

قـائـمـة الأوسـمـة · 16-Jul-2008, 03:36 PM

.

هذي قصيدة قديمة جداً لي حداني حر هاليومين بالرس لذكرها ...

متى على الله تنطفي جــمـرة الصيـف=ويهـب مــن صــوب الشـمـال الـبـرادي
ونشوف بيض المزن بالجو تـــصافيف=ومـيـض بـرقـه مـثــل قـــدح الـزنــادي
لا هــلّ سيـلـه بالـحـزوم المجـافـيـف=أقـعـد جـمـال الأرض عـقــب الـرقــادي
وصار الثرى مابــــين حبـران وطريـف=زلٍّ مـزخـرف فـــــــــاق صـنــع الأيادي
هناك أبستأنس ويكـــــمل لـي الكيـف=مـع رفقةٍ يمـــــشـون غـايـة مـــرادي
لامـن شكيـت الـهـم قـامـوا ملاهيف=ثـم وجهـوا صــوب الشـمـال الـشـدادي
يـبـون بالقـطّـار عالي المـــــشار يف=وإلا ورا الحرة بــذيــــــك الــوهـــادي
لامــن جلسـنـا بـيـن حـمـرٍ مقـايـيـف=عقـب العـصـر واللـيـل أقـبـل يـهـادي
وهـبــت علـيـنـا بـــاردات الهفـاهـيـف=عـطـره مخـلـط بـيـن نـفلٍ وكــــــادي
يازين لا مـــــدّت زوالٍ مـنـاظـيــف=ثــم صـفـف الوِلاع حــــــول الرمادي
صفـر الـدلال اللـي بهـا ناعـم اللـيـف=والـتـمـر قِـــرّب تـــوّ وقـــت الـجــدادي
صـفّـوا ومــدّوا ينتـقـون السـوالـيـف=سـوالـفٍ بالـصـيـد مـــا هـــي دوادي
في مجلسٍ ماكـــــــــــــدروه الملاقيف=ما غير ربعٍ صــــــــــــــادقين الودادي
وقــت الـرخـا ربــعٍ كـــرام مـوالـيـف=وعنـد العسـر يعجبـك صـبـر المـهـادي
يا مر لي عصـرٍ جمـيـل تـــقـل طـيـف=شـرقٍ عـن المظــهـور باتْلـى جمـادي
عصرٍ مضى واليـوم مثـل الخذاريـف=مـــازال يـحــرق لاذ كرته فـــــــؤادي
حوّل على قلبي خفيـفٍ كمـا الضيـف=وروّح وأنا أصـوّت بآثاره وأنــــادي
هذا هوايه يالرجال الغـــــــــــطاريف=لو يكثر القــــــــــــولات أهل النقادي
لـكـن يكلفـنـي مــن الـشـوق تكلـيـف=شـمـة ذعـاذيــع الـهــوى بـالـبـوادي
ولا اظـن باسْلـى لـو تـزود التعانيـف=حـب الـخـلا بالقـلـب قـصـرٍ مـشـادي

.
.

قـائـمـة الأوسـمـة · 16-Jul-2008, 03:48 PM

الله لايهينك على النقل ,,,,,

ولايحضرني شاعرها لكن اعتقد ان ..

المنشد المبدع : حامد الضبعان قد انشدها

تقبل مروري وشكري

قـائـمـة الأوسـمـة · 16-Jul-2008, 08:26 PM

صح لسانكـ

ياخالد

حضوركـ راااائع

بإبداع

دمت ودام إبداعكـ

قـائـمـة الأوسـمـة · 16-Jul-2008, 11:42 PM

الشاعر القدير:
( خالد الوقيت)
قديمك .. هو جديدنا
صح فكرك
وطاب حرفك
دمت .. ودام تواصلك
ولك .. مني عطر التحايا

قـائـمـة الأوسـمـة · 16-Jul-2008, 11:49 PM

::

:

الشاعر الراقي

خالد الوقيت
صح لسانك وعلا شانك
قصيده تفيض روعه

تقديري لك

:

::

قـائـمـة الأوسـمـة · 17-Jul-2008, 01:31 AM

:
:
صح لسااانك شاعرنا وصح حضورك الجميل

لاجديد سوى المزيد من الرقي

تقديري لكـ

:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري