متواضعه امل ان تحوز على رضاكم
14/7/1428 هـ
شوفي ثمر زرعِ زرعتي بذوره = داخل ضميري اينع اليوم شوفيه
سقيت بذره لين زمت زهوره = بستان حبك دم قلبي مغذيه
أدخل على بستان حبك وزوره = كل الزهور تقول يازين لبيه
بستان حبك صرت حارس لسوره = أحرس على سور عن الناس حاميه
انتي هوى قلبي وغاية سروره = في كل لحظه طيف حبك يناديه
طيفك امامي حي صوتا وصوره = وان نمت طيفك في لحافي مغطيه
عطفك تجاهي ليه جفت بحوره = وأنا اليا جفت دموعي توفيه
الجمر في كفي عطيتك بخوره = وعطرت شالٍ فوق راسك لبستيه
متى حنانك ينبجسلي بنوره = وينير دربٍ مظلماتٍ مماشيه
في ليلةٍ غنت افراحي طيوره = اعذب نشيد الحب بإسمك تغنيه
واشم ريح الشال وأذكر عطوره = وأقول هذي كفي الي كويتيه
اخـــو ظل السحاب كم
الجمر في كفي عطيتك بخوره 
العرض العادي
