الرفقة قصيدة للشاعر عبد الرحمن ابن بديع

قـائـمـة الأوسـمـة · 18-Jul-2008, 01:57 AM

انشهد ان بعض المعرفـه سماجـه

.....................وان المجامل لجلهـا ماقـف سـي

وياهييه مابينـي وبينـك مواجـه

.....................فرقاك عندي كنهـا الـزاد والمـي

اعرف ترا مالي ورا الناس حاجه

.....................الا رفيـق صافـط رفقتـه لــي

فلا صار مالك مع رفيقك نهاجـه

.....................في نيتك خاين وفـي خوتـك عـي

البغض ظيمي والمفـارق علاجـه

.....................بفارقك لاصار مانـت بـولا شـي

ابغى الرفيق اللي طليق ن حجاجه

.....................صديق مايرضى هروج العرب فـي

ولا انت عرفك مثل عرف الخواجه

.....................وبتمـوت ماحصلـت لا ذي ولا ذي

ووقت القسى قلبك وقلب الدجاجـه

.....................سوا سـوا مابينهـا فـرق ياخـي

ولا بساعات الحكـى و المناجـه

.....................اعلومك اكبر من جبل حاتم الطـي

فوالله مارضى بالخطـا والعواجـه

.....................وابيك تسمـع كلمـة ن مالهـا زي

البغض ظيمي والمفـارق علاجـه

.....................بفارقك لاصار مانـت بـولا شـي

قصيدة للشاعر المبدع / عبدالرحمن بن بديع

تحياتي لكم
قناص حايل

قـائـمـة الأوسـمـة · 18-Jul-2008, 11:07 AM

صح لسان الشاعر الحكيم
وسلمت يمينك يالقناص

قـائـمـة الأوسـمـة · 20-Jul-2008, 05:57 AM

مشكور أخوي ابن بليهد

على مرورك الكريم الذي اسعدني

والله يعطيك العافية

قـائـمـة الأوسـمـة · 21-Jul-2008, 06:49 PM

وين التفاااااعل ،،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري