حلت الاجازه الصيفيه ومعها الفراق المؤقت الله لايديمه علينا وعلى كل مسلم تخبرون بعض الناس خوالهم بعيدين شوي وفرصه للواحد يتمرمط بالعزوبيه كم يوم
( شواط الاشواق )
تقول وش لونك عسى ماانت مشتاق
...............................مثلي من الغيبه بدابي ظنا الشوق
جاوبتها مامرت النفس بفراق
...............................مادامها معكم بها الشوق مسيوق
دايم على بالي والافكار تنساق
...............................خيالكم في خاطري لاعج بروق
اشوفكم مع الندى فوق الاوراق
...............................ومع الزهر لافتحت حزة شروق
ومع الغروب ورحلة الوان الاشفاق
...............................ومع النجوم الساطعه بالسما فوق
احسكم بالهمس وشواط الاشواق
..............................ووقت الظمى والجوع والطعم والذوق
من كثر ماقلبي لكم حيل تــــواق
.............................احس كن الوقت بايـــــــامي فتوق
نور العيون فراقهم يحرق احراق
..............................وفرقا ربيع القلب ماتت به النوق
الله يجمع شمل من حب واشتاق
..............................باللي يحب وكل عاشق ومعشوق
الاشواق 
العرض العادي
