هذي بعض من افضل قصائد شاعرنا ابو نواف..الله يرحمه



علمتنــيـ


علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى



كـل العواذل تشابه.




حبيبتـي كـل العـواذل iiتشـابـه
قلبٍ ظلام ووجه يشبه iiللأصحـاب


ولا ما غدى لك صاحبٍ ينحكى iiبـه
لا تسمعي أن كان لك قلب iiوأحباب


إلى مشيت الـدرب يلهـث iiسرابـه
وإلى سكنت الـدار نادانـي iiالبـاب


وشلون أنـام وهـم قلبـي صوابـه
والشوك ينبت بين جفنين iiوأهـداب


تعبت امنـي .. الأسئلـة iiبالاجابـة
وانطر شروق الشمس والشمس بغياب


وتعبـت أناظـر والمعنـى iiعذابـه
أنك بعيده والمـلا دونـك iiحجـاب


اجمع كلام ومـا أعـرف iiالإجابـه
وعندي شعور صدق والوقت iiكذاب


كل النجوم اللي امطرت من سحابـه
حبيبتي دمعك جرح قلـب iiواتـراب


واللي وقف ما بيـن بابـي iiوبابـه
قلبٍ ظلام .. ولابس ثوب iiالأصحاب



حبيبــتـيـ




حبيبتي لا مـن غديتـي لـي سـراج iiاتبعـه
وكني غديت من الظما اركض ويطردني السراب
لا تبخلين اليا شربتك ماشربتـك مـن iiسعـه
دامي من جروح الهموم الموجعه كلـي صـواب
اليوم مرتنـي السوانـي والفصـول iiالاربعـه
اليوم مريـت الموانـي والمبانـي iiوالسحـاب
اليـوم ماكنـي لقيتـك مـر صوتـك ماسمعـه
اليوم ما كني فقدتـك مـن سؤاليـن iiوجـواب
يابنت في خدك وهج سيل الشموس iiالساطعـه
احرق بداخل داخلي انسـان ماهـو iiللتـراب
واللي خلق ظلـم الليالـي بالعيـون iiالهاجعـه
اني من الحرمان اتسائـل وحرمانـي iiجـواب
يوم الـوداع تخيلـي مالـي حبيـب iiاوادعـه
محروم انا وتخيلي محروم حتى مـن iiالعـذاب
يابنـت لـي قصـه تطـول بكلمتيـن موجعـه
هي باختصار اني انا اركض ويطردني السراب



يــاصغير



يا صغيّـر مـا يكبرنـي iiلقـب
وما يصغرني إذا انكرني iiصغيـر
ما خذينا الصيت من جمع iiالذهب
ولا نسابة شيخ او قربـة iiاميـر
كاسبينه من هل السيف iiالحـدب
الجنايز كان مـا جـاك iiالنذيـر
صيتهم نجم ٍ على رأسـه iiلهـب
سمعوا الصقهان به واجهر iiضرير
بالوفا تاريـخ أبيـض iiينتصـب
لا حكوا بالحق حييـن iiالضميـر
ضيغميـن للسناعيـس iiانتسـب
لابةٍ طلنـا بهـا عـرش iiكبيـر
عند حدك يا كثير الهـرج iiتـب
لا تمر النـار وثيابـك iiحريـر
كـان لـك عـز بذلـي iiفتعقـب
والله ألا تبطي وحبلـك iiقصيـر
احسبنك مـن صناديـد iiالعـرب
واثر ساترتك عباتك يـا iiغريـر
ما حسب للسوس زراع iiالقصـب
والقراده ما درى عنهـا iiالبعيـر
ولو حسبنا للحسايـف iiوالتعـب
ما بذرنا يا العصافيـر iiالشعيـر
عن هللك ابـراي لله iiواحتسـب
الرجال اللـي مجارهـم iiعسيـر
من قريش المصطفـى iiوابولهـب
والدغالب ما غشت عذب الغديـر
للرجال من الرجاجيـل iiالعتـب
والزكاة تحل فـي حـال iiالفقيـر
لعنبـو وقـتٍ غدينابـه iiحطـب
تحرقـه نـار يثورهـا iiاجـيـر
ما ألومك والزمن سوى iiالعجـب
هو بقى غير الكرامـه iiبالجفيـر
مـا أذل وراسـي يشـم المهـب
لو بقى من شمر طفـلٍ iiغريـر
ما اهاب ولا يزلزلنـي iiغضـب
الشجاعه ورث العاقـل iiغزيـر
يا صغيـر مـا يكبّـر iiباللقلـب
غير من هو كان من دونه iiصغير



احنـ بدوا



حنا ولا مـن قلـت حنـا iiتحنـا
كل الكلام بعطر تاريـخ iiالاجـداد


المجـد هـم وهـام فينـا iiوغنـا
حتى علينا من على روس الاشهـاد


يا كبر حظ الـي نخانـا و iiثنـا
نشد له فوق الفخر سرج iiوشـداد


ان هلل التاريخ غطـرف iiوطنـا
وان سولفو عنا رجاجيل iiواجـواد


وان بان لك شمس ترى ذيك iiحنا
نشرق مدام الظلم ظلمـا iiوحسـاد


يا بنت يمي كـان رمشـك iiتمنـا
اشق لك ثوب السماء جود iiوعنـاد


واشدلـك زمـلً جـفـن المعـنـا
واسري بوجهك لاغشى وجهي سهاد


يـا حلـو قـدك يـوم قـدك تثنـا
محدا تغنى فيك من خوف iiالالحاد


حنـا البـدو يابنـت هـذا iiلحنـا
نحبك اكثر لاغـدى حبـك جهـاد


وحنا البدو يا بنـت لامـن iiنخنـا
بناتنـا يثالـث العـيـد الاعـيـاد


وحنا البدو يابنت وان قلـت iiحنـا
فاح الكلام بعطر تاريخ iiالاجـداد



مشتــاقــ

مشتاق ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكذب
مليت بك طبع الغرور
يا عيونها مشتاق
وللدمع مع جفني عناق
مشتاق ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي وانا فبرد الشتا موعود
ايا مسكين يا قلبي انا ماشي وهو يلتقت لك عود
ايا مسكينه يا روحي تحب اللي يعذبها و يزيد صدود
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني




ذكرى الفراقــ





اليوم ذكرى الفراق ومرت اول iiسنـه
اليوم لي عام متغرب وحيد iiوحزيـن


اليوم انا ضيف جرحي جيت باطمنـه
اني جمعت الدموع وجبت امانة iiامين


ما يجرح الصادق الا غدر من iiيامنه
لا جت من احباب قلبك لا تلوم السنين


مليت من هالاماني دام مهـي ممكنـه
لاهي تحقق ولا ياسي بوجهي iiيبيـن


لوين انا وانت مثل الشمس iiوالازمنه
مع كل صبحٍ يجددني لشمسـك حنيـن


لا قلت احبـك احبـك كنهـا iiدندنـه
او كنها وردةٍ مابين اصابـع iiجنيـن


يا اجمل الناس لك بين المـلا هيمنـه
كثير غيرك ولكن مين مثلك و iiويـن


يا عاذلي خذ عيوني يمكـن iiتثمنـه
تشوف عيبه وانا اشوفه ملاك حسيـن


امس افترقنا وانا احسب مرت اول سنه
يا طولها ليلة الفرقا سنـة iiللحزيـن



يابعد حيــيــ




اليوم يـا بنـت مـن زيـي
الشمس واردت على iiضيي


جيت انتخي بالوجيه iiالبيض
يا عزوتي يا بعـد iiحيـي


الجادل اللي حلاهـا iiغيـر
ضيعت في شمسهـا iiفيـي


بعيونهـا سلسبيـل iiرمـاح
و الموت بالسـود iiمتهيـي


موت و انا اموت انا بالموت
كثيرهـا غـرّق iiشـويـي


لا قلت تكفين قالـت iiجـاك
و ان جيتها فجـأة iiتعيـي


و لا قلت مالي و مال iiالغيد
قالت وهم بينهـم زيـي ii؟


و ان قلت انا تبت مالي iiكار
مقفي زمانين عـن iiغيـي


قالت و هي تلتفت iiللنـاس
طلال موتـه علـى iiيـدي



الليله احساسيـ غريبـ

الليلة إحساسي غريب

عاشق ونا مالي حبيب

حبيت كل الناس لاموني

حبيت كل الناس باعوني

قلت أحب الحب أحسن

قلت أحب الحب أضمن

لا أحن .... ولا أتوه

ولا بعد في يوم أحزن

رضيت بأقداري ونصيبي

صرت محبوب الحبايب

وصار كل عاشق حبيبي

الليلة غير

شعوري غير

أشواقي غير

حتى الأغاني غير

صدري سما ... واحساسي طير

بس طيفك ماتركني

ظل ساكن تحت جفني

كان وافي...كان يذكر وإنت ناسي

إنت وينك ؟

كان هذا الفرق مابيني وبينك؟!

جيتني تشكي الزمن

وجيتك أبي أدفى

لقيت في قلبي وطن

ولقيت فيك منفى