السلام عليكم ورحمة الله وبركاتة
يشرفني في البداية المشاركة معكم ببعض قصائدي ومايجد من قصائدي مستقبلاً إن شاء الله.
القصيدة التي سوف أضعها بين أيديكم وهي تظهر لأول مرة بحكم أنني لم أكتبها سوى ليلة البارحة موجهه للشاعر سعود بن مبارك الغازي وهو جار عزيز وفي مقام الوالد ولم نجد من جيرته إلا كل خير.
تفجرت القريحة الشعرية لدي لأمدح من يستحق المدح فقلت:
أرسل أبيات وبديعات المثايل=للذي غطى بطيبه كل حايل
أبوبندر مالقيت اللي بطيبه=نادر(ن) مثله مع عيال الحمايل
نادر(ن) في حكمته وبصدق قوله=صدق قول ومنطق لسانه هوايل
والشجاع اللي ليا منك نخيته=شافوا الآنذال نجمات القوايل
ماأبالغ لامدحت وقلت وصفه=وابن غازي جامع(ن) طيب الخصايل
شف ليا من جيب بين الناس ذكره=فاح ريح العود وزهور الخمايل
والعباد شهود والمعبود لامن=حب عبده حبه شعوب وقبايل
يستحق سعود قاف(ن) له بدعته=والعرب لازم يردون الجمايل
أسأل الله واطلبه يبطي بعمره=ويتجاوز عن ذنوبه والزلايل
وبشهاده يختم وينهي حياته=والعمر لو طالت الايام زايل
والصلاة ختام لابيات القصيده=عد مالاحـ(ن) صدوقات المخايل
وفي الختام أرجو أن لا أكون قد أطلت عليكم وأعدكم إن شاء الله بالجديد والمفيد في قادم الأيام.
تقبلوا أمنياتي لكم بالتوفيق
أخوكم/ فيصل القحطاني
يستحق سعود قاف(ن) له بدعته 
العرض العادي
