السلام عليكم ورحمة الله وبركاته
حبيت اشارك بهذه القصيده وارجو انها تعجبكم
عدو نفسه مشكلة عبـر الازمـان
يبقى مضـر ولايـزال متضـارر
ماينتعدل ليـن يوضـع بالاكفـان
ويعدلـه رب(ن) بدعـواه خـابـر
لو في يدين المسلم أهدايـة إنسـان
ماكان عم المصطفى مـات كافـر
الا أن يشاء الواحد الخالـق المـان
اللي على قـدرات الانسـان قـادر
المعتـدي لـو ينتعـدل بالأحسـان
حبيت خشم المعتدي وقال حاضـر
صبرت لين الصبر شيب بالاعيـان
وانا على صكـات بقعـاي صابـر
مابين عل وياعسى يكـون ماكـان
يمكن لروح الحـق تنبـت حوافـر
إلين ثـار بداخلـي الـف بركـان
ياقو طعن الموت قـرب الحناجـر
وانا ليا ضاقت وضاق(ن) الاركان
صبري بحر لو عاصف الريح غابر
أغيص غبه بيـن لولـو ومرجـان
صيدي ذهب ماني مقرشـع هناقـر
لعلهـا فـدوة مناعيسـة اجـفـان
اللي بهـا صبـح النهـار يتباشـر
لبيه ياغصن(ن)من الغنـج رويـان
بعذب هماليـل المحاسـن تماطـر
لو لوحة(ن) مايرسمه كـف فنـان
كـن المحاسـن للمفاتـن تجاكـر
مرت وأنا لو مرني ويـش ماكـان
صديت عنه وقلـت ياقلـب كابـر
جورية(ن)لو عرضت وسط بستان
من حسنها صارت وروده جياكـر
ومن حسنها لو اسفرت عند غزلان
احبست غـزلان الفيافـي كناغـر
ضميتها والقلـب عجل(ن)وشفقـان
وملكتهـا امسـي ويومـي وباكـر
وطقيت بصباعي لهمي والاحـزان
وغنيت ياليـل الفـرح والمشاعـر
وكتبت فيه اجمل قصيـدي علشـان
يذكر ويبقى طـول الايـام فاكـر
وكانه نسى ماني على الحب ندمان
كم عاشق(ن)مانال غير المخاسـر
الجواااااااااااااااااااااال