هذى القصيده في القهوه والقصايد في هذى الموضوع كثيره
يامن لقلـبٍ كـل ماالتـمّ الاشفـاق
من عام الاول به دواكيـك وخفـوق
يجاهد جنودٍ في سواهيـج الاطـراق
و يكشف له أسرارٍ كتمها بصنـدوق
إلى عنّ له تذكار الأحبـاب واشتـاق
باله وطف بخاطره طـاري الشـوق
قربت له مـن غايـة البـن مـالاق
بالكف ناقيها عـن العـذف منسـوق
إحمس ثلاث ٍ يانديمـي علـى سـاق
ريحه على جمر الغضا يفضح السوق
حذراك و النيـة وبالـك والإحـراق
واصحى تصير بحمسة البن مطفـوق
الى اصفرّ لونه ثم بشّـت بالاعـراق
وصارت كما الياقوت يطرب له الموق
وعطّت بريـح ٍفاضـح ٍفاخـر ٍفـاق
لا عنبر ٍ ريحه بالانفـاس منشـوق
دقه بنجـر ٍ يسمعـه كـل مشتـاق
راع الهوى يطـرب ليـادق بخفـوق
واحشه بدلـة مولـع ٍ كنهـا سـاق
بلـورة ٍ منصوبـة ٍ تقـل غرنـوق
خلّه تفوح وراعـي الكيـف يشتـاق
الى طفح له جوهرٍِ صـح لـه لـوق
أصغراقمـوره كالزمـرد بالأشعـاق
وكبارها الطافح كما صافـي المـوق
زلّه على وضحا بها خمسـة ارنـاق
هيل ٍ و مسمار ٍ بالأسباب مسحـوق
مع زعفرانٍ والشمطري الى انسـاق
ريحه مع العنبرعلى الطاق مطبـوق
إلـى اجتمـع هـذا وهـذا بتيفـاق
فصبه كفيت العوق عن كل مخلـوق
بفنجال صين ٍ صافي عنـه الارمـاق
تغضي وكرسيـه غـدان ٍ لمعشـوق
الى صب فابصر جوهره تقل شبـراق
رنق ٍ تصور بالحمامة على الطـوق
شكل غَرَا الفنجال صبغـه كمـا راق
دمّ الغزال الى امّـزع منـه معلـوق
خمر ٍ الـى منـه تساقـى بالاريـاق
وعليه من ماء صافي الورد مذلـوق
راعيه كنـه شـارب ٍ ريـق تريـاق
كاس الطرب واسرور من ذاق له ذوق
يحتاج من خمرالسكـارى الـى فـاق
طفل ٍ يشف شفاه والعنـق مفهـوق
عبث ٍ يعيل ابحُبة ٍ منـه مـا مـاق
وهو يباهي باهـي البـدر بشعـوق
في وجنتيه الى غنـج بـارق ٍ حـاق
عجل ٍ رفيفه بالطها الغـرق بطبـوق
سحر ٍكتب مـن حبرعينيـه بـاوراق
خديه صادين ٍ و نونيـن مـن فـوق
كن العرق بخدودهـا حـصّ ارنـاق
نثر على صفحـات بلـورة الشـوق
إلى تبسـم شـع و أشـرق بالآفـاق
نور ٍ يفوق البـدر سحـار منطـوق
والعنق كن المسك والـورس بـراق
ما مشخص ٍ في صدره الشاخ مدفوق
يمشي برفق ٍ خايف ٍ مدمـج السـاق
يفصم حجول ٍ هزه الثقل مـن فـوق
الى صفت لك ساعة ٍ و أنت مشتـاق
فاقطف زهر مالاق و العمر ملحـوق
فالى حضر ماقلت عنـدي فـالارزاق
بيـدي كريـم ٍ كافـل كـل مخلـوق
والله لو يمشـي شقـاق ٍ بالأسـواق
من الملاء مايمسط الخمس مخلـوق
هذا و صلوا عـد مـا نـاض بـراق
أو ماشكى الفر قا شفيق ٍ لمشفـوق
على النبي مـا زج زاج ٍ بـا لأوراق
و آله و صحبه عد ماسيق مسيـوق
للشاعر / محمد القاضي يرحمه الله
ولكم تحياتي>>
القهـــــــــوة والزنجبيل..
قصيده في القهوه ومعها غزل 
العرض العادي
