ماتـوا ملـوك وسلاطيـن وابطـال=وراحو شيوخ وروس قوم ومناعيـر
ويوم الخبر جانـا والأخبـار تنهـال=صار الكبير إفدنيتـي شـيٍ إصغيـر
ياموت لو انك ذبحـت الـف رجـال=وخليت ابـو نـواف إبصحـة وخيـر
ماكان شفت الدمـع للحيـن همّـال=ودمـوع عينـي إلعيونـي مساييـر
وماكان صاح إديار وقلـوب وإجبـال=وحايل كساها الحزن بعـدك ولاغيـر
انت الذي تبكيه شّيـب مـع اطفـال=وانـت الـذي تبكيـه كـل الغناديـر
وانت الذي آمير غصبٍ عـن الضـال=وانت الأمير ابن الأمير ابـن الأميـر
اكرمت ناس وزانت احـوال واحـوال=وفكيت من خلف السجن كم من اسير
وبنيت لك دوحـه وصـوره ومنـزال=إليـن طيبـك زاد فـوق المعايـيّـر
لكن خـذاك المـوت ياطيـبّ الفـال=هـذي هـي الدنيـا وذي المقاديـر
واصبحت من جال الحزن لآخر الجال=أرثيك مـن دون الشعـر والتعابيـر
والشعر يلمح صورتك فوق الأطـلال=له ستة اعـوامٍ همـوم ومخاسيـر
يرثـي علـى كـل معنـى ومـوال=والحرف يبكي منك من دون تقصير .!
حتى لو انه مارثى شخصـك وطـال=يبقى يـردد بيـت دمعـه محاديـر.!
ميتّ ولكّـن حـيّ ياجـزل الأفعـال=في صدور كل الناس يالراحـل الغيـر