ـ ( الغيــابـ .. عنــدما لا تمر الثواني ... يكون موتي .. أحبكـ .. أنا بإنتظارك أو على بابكـ )



ــــــــــــــــــــــــــــــــــــــــــ



شفــت وشلـــون الثـــــــواني تشتــكي لك

مـن غيـابـك مـن عذابـــــك مـن ضمـــاي


أنــت يا اللي كـــل ما فكــــــرت أجــي لك

تقصـــر دروبــي ولا ألحـــــــق مـــــــداي


وأرجع أغفـــى بيـــن دنيــــاي ورحيلـــك

غفــــــوة اللي رايــح ٍ بالــــه وجـــــــاي


فيــك يا اللي مــــا كســــرت إلا خليلـــك

وما تركت امن الرحيـــــــل إلا عنــــــاي


ليش تتركني .. وأنا حلـمـي جديلـــــــــك

أنثره بكفوفـي الغرقـــاء ( هـــــــــواي )


عااااااااشقك .. ما شـاف بالدنيا بديلـــك

والعــــذارى كلهـــــم ( شفهـم ) ورااااي


بس مــا يملي العيــــون إلا .. جميلـــــك

وجهــــك اللي يشبـه الغـيــم بسمــــــاي


قمت أغــنـــــــي ( صاحبي يا حبني لك )

( ودنـي لك ) ( هــاتني لـك ) من عمـاي


وأسمـع بصوت (المهندس)* من هديلك

ألف نغمـــه ما عزفها إلا رجـــــــــــــاي


كــــل شـــي ٍ ياحبـيـــبــي .. راح بــي لـك

الأغاني .. والشعــر .. وابريـــــق شااي


تــذكـــره .. يوم أشــربـه من سلسبيلـــك

قطــرتــه مــرت على شفـــاك وشفــــاي


كــانت الدنيــــــــا .. حبيبي .. تشتهي لك

ضحكة سنونـــك .. وتـــرسمي لي هناي


بس .. رحــت ومــــــــاتركت إلا قتيلــــك

إيــــــــه .. أنا والمشكلـــه عنــدك دواي


شفـــت كــل الضـيـــم في معنى قليلـــــك

يوم قلت : (محــــمـــد) إنساني وبااااااي


لعنبـــــو دارك ( وكيــــف؟؟) ألقى مثيلك

وإنت غيـــرك ما سكـــــن بإقصى حشاي


بس .. لا تســــــآل وشـ اللـــي جابني لك

الهــوى وإلا الغـــوى وإلا شقاي




ــــــــــــــــــــــــــــــــــــــــــــــــــ ــ


* ماجد المهندس .
ـــــــــــــــــــــــــــــــــــــ




شعر / محمــد الطيـــــــــار