هاضت مزون الشعر بالفكر تجتال = يسوقها بالقاف بارق ورعاد
من خشم اجا غيثه مخاييل وخيال = لشعبان سلمى يضرب السيل من غاد
في ليلة فيها الفرح صار يختال = ماكنه إلا من تباريح الأعياد
لا تسألن ليه البس البشت وعقال = اليوم شعري وملبسي كله جداد
تو الشعر يزهى قصيده بالأمثال = وتو المساء يزين والفرْح يزداد
غنوا أبلعب لعبة السيف ياعيال = في عرضة فيها النشاما والأجواد
شلنا وعذب القاف من فرحنا شال = وجينا نبارك فرحة العرس (لزياد)
مبروك ياقرم له الطيب مدهال = نعم الصديق اللي له المدح ينقاد
عسى السعادة دايم الدوم لك فال = وعساك تملأ البيت بأولاد وأحفاد
والمعذرة إن قصر الشعر لو قال = ماني بشاعر بس غنيت (لزياد)

يالله ياللي ماهنا شي يخفاك=ياباسطن ارضك ومرسي الجبالي
انت الذي دايم نهابك ونخشاك=وانت الذي رحمتك دايم نسالي
ومن بعدذكرك يإلهي ورجواك=بنخى قصيدي دام جاله مجالي
وأقول ياشعري عن المدح مانهاك=تكفى تعنى للكريم المثالي
غصب علي ياراعي الطيب مانساك=ياللي بفعل الطيب لاماتبالي
(يازياد) انا افخر ياعشيري بلقياك=ومشاهدتك اليوم هي راس مالي
وافخر بمدحك يارفيقي وطرياك=ياللي ملكت الطيب باول وتالي
ان اشهد ان الطيب ساكن زواياك=وان اشهد انه فيك عرف الرجالي
قلبك كبير وحكمة الشور وياك=ودايم تفوز وترتقي للمعالي
يعتز منهويلتجي دوم بحماك = وينسى الفزع كله ويلقى الظلالي
واللي رمى دلوه واقبل على ماك= يلقى بماك اليوم طعم الزلالي
تسلم يمين اللي على الطيب رباك=واحكم زمام الطيب ولاعنه مالي
ويالشمري والله ترى الروح تفداك=ويفداك معها يارفيقي حلالي
افخر بمثلك يارفيقي وشرواك= وحشى بربي عنك ماقطع وصالي
اناهنا بصدر شيدت مبناك =تعال شوفه كيف مبناك عالي
ولاهي غريبه دام هذي مزاياك=يانسل شمر طيبين الفعالي
الابه اللي لصك هالطيب ملاك=ومتوارثينه بين عمن وخالي
الوايلي ينطقبها حس وادراك =ويثمن المعنى وحسن المقالي
وصلاة ربي عد ماتأدى الأنساك =على النبي اللي ازاح الضلالي

سلاماً ياشمر هلا من قلب ولسانٍ نزيه=الوايلي ينطق بها باحساس وشعورٍجميل
ويشدو بقافه يفتخر لطيب واللي يهتويه=ويشوش راسه بالفخر ماكن له اية مثيل
ويثني على اهل الوفا والطيب والراي النبيه= قومٍ على الطيبه ربو وتورثوها جيل جيل
شمر هل النخوه ترى وافعالهم ماله شبيه=فيهم شموخٍ كالجبل مع حدة السيف الصقيل
اصل الكرم فيهم نشى والزيف ماني مدعيه=امصله حاتم بهم وعيرف هي هذي دليل
تاريخهم عز وفخرو اسأل وتلقى من يعيه= ان جيت في وصفه بحر والقول عن ذكره يطيل
وعن مجدهم مهما كتبت اليوم ماضن احتويه = مجدٍ على مر الزمن باقي ولا يمكن يزيل
شمر هي الرمز الصريح للمجد ودايم تعتليه=تقبل على الفعل النزيه اقبالة الخيل الأصيل
قبيلةٍ تسمو فخر والطيب دايم تكتسيه=ياما تقلد صدرها وسام للفعل الجليل
سلام من قلبي ظهر يابيات شعري وصليه=للابه اللي وقفته تكسروتهزم من يعيل
وان لاحلك ابن الكرم ابيك حيل تصافحيه=وتعانقين الشمري اللي على الطيبه وكيل
وجملة بحوفي صادقه ابيك فيها تخبريه = اني اعز اهل الوفا واقدر الفعل الجزيل
وافخر انا بالشمري ويزيد فخري يومٍ اجيه=عنه ماأقصر خطوتي ولا دور بغيره بديل
لانه هو الدرعٍ الحصين امزبن اللي يحتميه=ماصك بابه عن احد واليا ثقل حمله يشيل
يستقبلك بحلى نبا ان جيته مسير عليه=والعود الأزرق لا لفيت ينطحك كالغيم الثقيل
هذ ترى هي عادته والطيب يعشقه ويبيه =وان جيت ساحة مجلسه يعانقك بنن وهيل
نعم كذا هالشمري تقبل على الجزله يديه=والضيف لامنه لفى يقلط على سمانٍ وحيل
هذي صفات الشمري بالفعل والقول الوجيه=ماهي بنسجٍ للخيال اوهي صور للمستحيل
نخيت انا ابياتي هنا راع الكرم لا تسقطيه=وقصيدي لامنه حظر لايقرب الوصف الهزيل
شاعر وبالفطره كذا دايم اميز ماعنيه=ما ابخس احقوق الرجال وعز كل رجلٍ نبيل
والقوم وايل انتمى لانشدت من انسب اليه=اللابه اللي تشتهر ابوقفته مع الدخيل
الاسم ماجد بالبدى والجعفري الي يليه = افخر بربعي عزوتي وعن شرع ربي ما اميل
والمعذره اليا حصل تقصير يابيض الوجيه =مهما نقول بحقكم يظل ياشمر قليل
وصلوا على خير البشر اللي بفعله نقتديه=اعداد ما برقٍ يلوح وعداد ما واديٍ يسيل