وينه غلاي اللي من العام قلته
وين الحروف اللي نطقها لسانك
ملكت قلبي وعقبها اليوم ترميـه
وترمي وعود الحب وتاقف مكانك
غلاك عندي دايم الـدوم أطريـه
وغلاي عندك ما يعانق حنانـك
تبيع قلب(ن) عقب ماكنت شاريه
وتخون قلب(ن) ليه بالحب صانك
غرور صابك .. بان بالفعل الآقيه
ولآبد من يوم(ن) يحطم كيانـك
وتبقى وحيد مع عذاب(ن) تسليه
وتتذكر قلب وفيآ ما خانـك !!!
أخذي الصراحة والحكي ماأرد فيه
أقطع عروقي لو حنت عشانـك
هذي قراري ولآزم أني اسويـه
أخذ بثاري لوهو باخـر زمانـك


وسلامتكم ..