حضرت زواج أحد الأخوان في أحد صالات الأفراح
في العطلة الصيفية
وكان الحفل كبير جداً
وكان الحضور كثيف
وكنا نسير في طابور طويل جداً للسلام على العريس (الله يوفقه)
وصرنا نمشي الهوينا
من كثرة الزحمة
وكان الجميع يسير بهدوء
ولكن ما يعيب هذا الطابور
وما يرفع ضغطك فيه
هو قلة الأدب
وقلة الحياء
من (المتجاوزين)
وخاصة (الوغدان)
أصحاب (الترزز) بالبشوت
عمر الواحد ما وصل 25
وطاق بالبشت
و يحسب أنه من آل سعود
أو صاحب معالي
وهو (متأمر) على كم واحد من جماعته
أو بعد ما هو أمير ولا شي
بس طق البشت
وجاك يتسحب مع
ولد عمة أم أبوه
اللي هو أمير الفخذ


وهذا المنظر أتحداك تشوفه عند الكفار والأجانب ؟؟!!
فقط هو موجود عندنا نحن المسلمين بشكل عام
والسعوديين بشكل خاص
وإذا تبي تتأكد رح لمخبز التميس
ورح للصراف
ورح لكل مكان فيه (سرا أو طابور)
والله لتنمرض وتندبل كبدك
من هالأشكال (التعبانه)