هايدي حايل...لاتفـــــــــــــــــوتكم!!

29-Aug-2008, 12:52 PM


	بسم الله الرحمن الرحيم هايدي حايل ...!! يكمن استغربتو من العنوان ولكن هذا مو عنوان القصة بل اللقب اللي أطلقته على راوية القصص اللي راح أحكيها لكم ...............أولا هايدي حايل هي عبارة عن وحدة قضت كل طفولتها في حايل وصنعت أجمل الذكريات وأغربها ..... أبكلمكم شوي عن الراوية .....طبعا كل القصص اللي راح أحكيها لكم أوبالأحرى راح أقتبسها لكم هي من طفولة هايدي حايل ......أولا سبب تسميتها بهذا اللقب هو شكلها لأنها كانت جميلة و لأنها كانت طفلة في قمة المغامرة كانت ماتهاب من شي والشي اللي صنع لها هالذكريات الرائعة هو أنها كانت طفلة في غاية الذكاء والفضول كانت تحب تعرف كل شئ وتحب تكتشف كل شي او نقول كانت(( ملقوفة)) لأبعد حد...................................... . ملاحظة(القصص التي ستروى واقعية وقد حدثت في حائل من قبل 40 سنة أو أكثر يعني أيام البيوت الطينيةـــــــــ )) القصة الأولى: بعنوان: الشرايط الحمر...........((عمر هايدي في هذه القصة:11 سنة)) تقول هايدي مرة من الأيام كان في عائلة فلسطينية مقيمة في حايل هالعائلة تتكون من الأم والأب وخمس عيال وبنت وطبعا كلهم اصغار يعني أعمارهم تتفاوت مابين 8-3 سنوات والبنت الصغيرة كان اسمها عبير وعمرها 4 سنوات تقول هايدي هالعائلة الفلسطينية ماكان لهم حس يعني بزارينهم ماكانوا يطلعون من باب البيت..المهم وفي يوم من الايام الأم الفلسطينية كانت توها والدة وسوت عزيمة واعزمت ابو فلسطن كلهم((الفلسطينيين)) وكانت العزيمة بعد المغرب .....جا كل المعازيم وكانو البزارين الفلسطينيين يلعبون مع بعض وكان معهم البنت الصغيرة عبير...اطلعو هالأطفال برّا البيت عشين بيروحون البقالة.......وبعد ماخلصوا هالأطفال ارجعو للبيت وكلن شايل أغراضه وحلوياته ولكن ماجت معهم عبير المهم ماحد لاحظ ان عبير غير موجودة لأن البيت كان مزحوم ..........خلصت العزيمة وكلن رجع لبيته بعد ما تعشا والأب بدا يتفقد اعياله ولاحظ اختفاء بنته عبير وأنفجع والأم يوم درت انفجعت وقامو يسألون ويدورون واستمروا على عالحالة 3 أيام وفي اليوم الرابع من شدة انهيار الأم اطلعت في الشارع اتصرخ وتلطم وجهها والأبو يصرخ ويبكي و يندب حظه.............تقول هايدي في ذاك اليوم البست مريولها وراحت اتودي غنمهم للسرح ويوم راحت اتودي غنمهم قالها الراعي :لحظة وقفي هنا وخليك عند الغنم وانتبهيلها أن ابروح لذيك الخرابة اللي ورا لبقالة ((البقالة اللي راحت لها عبير مع البزران)) وأدور .هالخرابة عبارة عن بيوت من الطين وبركة مويا وصخة كلها كراتين ولونها أخضر .........وطبعا هايدي ملقوفة ...راحت والحقت الراعي ويوم شافها الراعي قالها أجل خذي هالعصا وقلبي في هالبركة وانا راح ادور في الغرف الطينية ...اخذت هايدي العصا واتقلب في لبركة وطبعا كان هذا كله في الشتاء وعاد تعرفون حايل بالشتاء ثلج المهم واتقلب واتقلب الا وشوي وتشوف هايدي شرايط حمر اتعلقت على العصا بسبب التحريك ...وتصرخ هايدي واتنادي الراعي واتقول:تعـــــــــــال تعــــــــــــال.لشرايط وأخذ يقلب بالبركة بشكل أعمق وقال لهايدي:جيبي كرتونه وحطيها عندي.جابت هايدي كرتونة و حطتها عنده الا وشوي ويرفع الراعي العصا بقوة الا والبنت عبير فوق العصا الكبيرة وأخذها وحطها في الكرتونة وأخذت هايدي اطالع في عبير لقتها ميته ولونها أزرق لدرجة ماتتخيلونها ومكمشة يعني ضامة نفسها من شدة البرد وراحت هايدي تركض لأبو البنت وتقول:ياعم ياعم لقينا بنتك فراح الأبو طالع هايدي وابتسم بسمة فرح وكملت هايدي كلامها وقالت :بس ميته.فشهق الأبو ذيك الشهقة وبدا البكي والأم اتصرخ المهم خذو البنت وادفنوها بعد ماصلوا عليها وهايدي اتأخرت على المدرسة............. THE END النهاية ........ها وش رايكم اذا أعجبتكم القصة قولولي عشين أكمل لكم سلسلة هايدي حايل الشيقة ترا على فكرة في قصص والله راح تعجبكم بعضها عن مغازلة حايل أول وكيف........... وأخيرا اتمنى ان القصة تنال اعجابكم ورضاكم......... بقلم: نجدية والجذور اعنزية

قـائـمـة الأوسـمـة · 05-Sep-2008, 04:35 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري