[color=#FF1493]
هلاااااع عانستي الكريمات(من هنا يتضح ان الهرجه للعوانسk: فقط لذالا اناظر أي متزوج او متزوجه ان يوطوطون هنيا::

إإإإإختي ليس عيبا انتس تكونين عآآآآنس بالعكس انتي بعنوسيتس وصلتي للقمه زي النصر يوم وصل للعالميهk: >>على قولتهم ,, إإختي العانس – انتِ كالنجمه وسط الاقمار الشمسيه وانتِ كالتوكس بين الجالكسي والسنكرس وانت كعطور قزاز بين عطور شانيل وديور
نعم ارفعي راستس ولا توطينه خاصتن اذا كنتِ عربجيه لانتس جمعتي بين صفتين نادرة الحصول
ليست موجوده لا عندي نيكول كيدمان ولا عند ماريا مرسيديس >>ياقدمها(تبي تتفشخر بس مازبطت معها:

\
\
\

عانستي الكريمه هناك مميزات كثيره تملكينها بس مانتي بحاستن فيها لانتس مع احترامي الشديدلتس غبيه اسمعي معي ع مميزاتس اللي تملكينها بصفتتس عانس::
1\ااذا رحتِ للاسواق المركزيه اللي بها انصاصير وحتى لو ما كنتِ متكشخه فان الرجاجيل بيتسدحون عندتس اما لو كنت متزوجه ومعتس ورعان فحتى لو تكشختِ وصرتي مثل نعومي كامبل فمحد راح يبص عليتس لانهم يحسبونتس جده لهولاء الورعآآآآآن ,, انتِ يمكن تستهينين بذي النقطه لكن راح اقوي كلامي بقول الشاعر الكبير اللي قال عنا(أي العوانس) ** ماهقيت ان العوانس يفتننِ **

2- اذا يوم من الايام رحتي مع اهلتس الى احدى المطاعم العالميه كـ (كنتا فول و عصيدهـ ـكي) وطبعن لان عايلتكم كلها عصمان (أي بها عروق سودانيه) فابوتس قال مفحالي انزل رح يا صابر(ذي ع تسذا عايله هنديه) واطلبلنا واخوتس برضوا متآزم عنده العرق السوداني اكثر من بيك فرماتس بزنوبته اللي مكتوب علاها ستعشر::lol: وقالتس انزلي يا زبيده وفتح الباب وشالتس من عباتس وسوا فيتس حركة النبيله وبمجرد انه فلت اصبعه الا انتي واصلتن عند عتبة المحل فاضطريت انتس تدخلين وتطلبين بنفستس فان العمال اللي عند الرسبشن(تسمعبها) بمجرد مايناظرونتس واقفتن بالسرى حتى لو كنت اخر وحده فانهم ياخذون طلباتس وفوق تسذا يعطونتس عبال ما يخلص طلبتس عسكريم مشكل ياهو محد قدتس نازله تطلبين لاهلتس واخذتيلتس عسكريم بالمجان لكن لو كنت متزوجه فانتس ع الغالب ما تشترين من محل دام زوجتس معتس بالسياره فبذلك راح تخسرين العسكريم المشكل

3- اذا انتي عآآآنس فانتي في قمة سعاده منتي حاستن بها فانت تقومين وتنومين كل صبح وليل ولانت شايلتن هم ورعآآآن معلولين او ورعآآآآن علاهم اخطبآآآرات ولا تفكرين وش تطبخين اليوم او وش تعشين كومة اللحم اللي عندتس لاه قولي لاه ..؟ لان عندتس امتس جعل ربي يحفظها ويخليلها لتس تطبخ لكم واذا امتس ما طبخت فهناك الشغاله واذا معندكم شغاله فاكيد معتس بالبيت عوانس مثلتس تطبخين انتي وياهن بالدور لذا لو طبختي بتطبخين مره بالشهر اذا كان عدد اخواتس درزنk:

************* فآآآآآآآآصل شعري **************
عانساتي الكريمات اليكم شعري النبطي واللي كتبته رفعا لمعنوياتكن:

قالت وهـ للحين ذي عانس *** قلت خذي نفس تراي عانس وبمزاجي
ماوصلك خبر ان كل يوم يدق بابي*** شبيه وايل كفوري وعاصي حلاني
هونقا بونقا يتمنون يسمعونها من شفاتي **ونا اعاندهم واسمعهم طبجة نعالي
الا كم واحد يمووت ويتلوى بس عشان ** ارمقه بعيوني بس انا اتغلى واقول نيني نيني


****** تيييييت عوودنا __>اشوا ما ضعتي ********
4- عانستي لو يوما من الايام والدك الكريم هاوشك ولا مارضى يجيب لتس بكله شباصه من بقالة الحي بناء ع طلبتس لانتس بذاك اليوم تبان تستشورين شعرتس ومعندتس شباصات كافيه الموهم وصنقرتي فانتس تتوجهين الى غرفتتس مثل الاورنبيات وتقعدين تصيحين فيها لين تطيح البيضه اللي براستس ثمن تصبحين الصوبوح وتروحين لراس ابوتس وتحبينه ويادار مادخلتس شرk: لكن اذا كنتِ متزوجه وزعلتي من رجلتس لعله الساحق الماحق والمرض المتواصل (ذا الدعاء تعاطفا مع اخواتنا المتزوجات اللواتي يعانون من القهر الر جالي الغاشم-->اللي يخلي مادة التاريخ اللي معلمتتس كم كلمة ترزين روحتس فيها) الموهم فان المذكورات سابقن لو غضبن من ازواجهن فانهن يتوجهن قوامن لغرفهن مو عشان يرقدون فيها مثلنا ويصيحون مثل الاورنبيات لا لا هم طسوا لغرفهن عشان يعبون شنطهم ويرحون لبيوت اهاليهن :: وتقعد بالشهور هنآآآك لين ما يحن واحد فيهم ويتنازل للثاني .......قلن بس اللهم لا شمآآآآآتهk:


5- اذا انتي عآآآآآنس فانت كل يوم تفزين فيه من طراحتتس ع تغاريد التيوس ونهاق الحمير فانتِ عندتس حلم تحلمين بوهـ شكل فآآرس احلامتس والاستراحه اللي بيكون فيها عرستس واذا ناظرتي أي مملوح بالشارع فانت تستطيعن ان تحلمين بوه كفارس لاحلامتس المخمليه ,,, لكن لو كنت متزوجه فانت ماتقدرين تتحلمين وحتى لو تحلمت فان ذا الحلم بيطير بمجرد ما تفتحين عويناتتس وتلاقين وجه المقرود امامتسk:




---->> احس نفسي مديت اخواتي العوانس بطاقه مايشعر فيها احد حتى شارب الباور هوس::lol:


اخيرن وليس اخرن عانستي الكريمه ليست هذه المميزات التي تملكينها فحسب بل هنآآك المزيد والمزيد منها واللي تتعايشين معها كل يوم وكل دئيئه وكل سانيه(وش عندها رانيه الكردي) وانا منيب فاضيتن لتس اسردها كلها بل انتي حاولي انتس تكتشفين المميزات اللي يفتقدنها خواتتس المتزوجآآآت ودونيها بدفتر ذكريآآتتس الاحمر الى حين موعد قدوم الفآآآآآآآرس الملثم ع الحصاآآآن الابيض (توها شايفه تدريب بقناة النجاح::



>>خلو روحكم ريااااااااااااااضيه [/color]


سلامن علاكن

كآآآنت معكم التختورهـ بدويه دوت كوم