من يلومك وانت متوسد كتاده=وعشقتك بالويل ترمي من عشقها
انت ماجابك لها غير القراده=وابو صالح للشماته مانطقها
دام انا وياك خشره بالنكاده=اشتركنا في لحمها وفي مرقها
كل ماقلت آآه من هجران غاده=ان زفرها واحد الاخر شهقها
كيف يسعد فاقد اسباب السعاده=والتواصل كل بيبانه غلقها
الهنا لافات مافيه استعاده=جمرة الحرمان يافواز ذقها
لاجل تحسد مثلي اصحاب البلاده=واحمل المحمول واسهر وسط مقها
من يقول النوم للظالم عباده=مالي الا اقول درجها وسقها
الهوى عجز قويين الاراده=يوم قفت كنها عميا وصقها
واعنى فواز من حرب الاباده=والعدو كل القوانين اخترقها
دمرت شعبه ونفطه واقتصاده=مثل قوله روحه بتالي رمقها

وش نفع عواد تنكيس الاعلامي=او مرور اطلال حبه وتسليمه
ظن مرسوم الهوى دايم(ن)سامي=لين شاف انقاض قصره وتحطيمه
عقب ماهو شامخ(ن)مثل الاهرامي=صار مايسوى ثلاثة ملاليمه
وصارت احلام الهوى مثل الاوهامي=ماضبط قلبه هياكل تصاميمه
اصدروا به ياعرب حكم الاعدامي=وجهزوا للقتل كامل مراسيمه
والنتيجه خافقه نازف(ن)دامي=ولا يفيد علاج قلبه وترميمه
ثار جوفه مثل تفجير الالغامي=هي سبايب جرح قلبه وتسميمه
قلت يارمش(ن)مثل عندل الشامي=ياعنود(ن)روضها ساكب(ن)ديمه
وكان قلبي مثلهم راح ينضامي=لاتصير بهجر عينك سبب ضيمه
وكان جفني ياهوى البال مانامي=الهوى قبلي كثار(ن)مظاليمه
وان جفيتونا فالايام قدامي=والمحبه واضحات(ن)تعاليمه
اتركوني وامسحوا كل الارقامي=ومن نسانا عفت شوفه وتكليمه
والعواجه دايم(ن)طبع الاريامي=ولو طرقت طبوعها صعب تقويمه
تجدعك في نقرة(ن)جمرها حامي=لو تبالغ في دلعها وتكريمه
الوعايد عندها مثل الاحلامي=ولا يغرك كثر حلفه وتصميمه
او سراب(ن)بان لك بالخلا زامي=مثل نقع السيل لاطاح من غيمه
يجدع اللي يتبعه بالخلا ضامي=والعطش يذبح نوادر صواريمه
ذقت غثات الليالي والايامي=والمحبه ضايعات(ن)مفاهيمه
ولو يروح العمر عام(ن)باثر عامي=لا تغرك بالعذارى تعاميمه
صرت اشيل من الكدر زين الانغامي=وقام ابوصالح يردد تقاسيمه

من وقع في سكة البيض ماقامـي=وان سلم يظهر على العقل تنسيمه
جاك يافواز سينـي قبـل لامـي=وعقبـه ياراويـة نجدنـا ميمـه
ترمي البندق وتشره على الرامي=والمعاني منـك عنـدي لهاقيمـه
من يهومك وانت مثل البحر طامي=المنجم ظـاع عرفـه وتنجيمـه
قدمك اللي كنه اعصار سونامـي=يهلك الدولـه ويخفـي معاليمـه
دوم يستلهم من افكارك الهامـي=الرعدوالبـرق تلقيـح للغيـمـه
اربط حزامك وانا رابـط حزامـي=اضبـط الدلـه وبـراد تلقيـمـه
بعده اكشن ماهي اكشن بالافلامي=فوق سطح سهيل اببني لك الخيمه
لا تجـي خلفـي ولاتصيرقدامـي=عن يميني وانت مسموح تقديمـه
ميل المرعزعلي شمـاغ بسامـي=وانت مثلـي مالتفـت لمرازيمـه
وأذهبتنااللي على وجهـه لثامـي=ودي أقـرب وتمنعنـي الشيمـه
مالهس كفي على خطف الارقامي=نلـت طعنتهاولاقنلـت ترقيـمـه
قلـب راويناغدامثـل فتنـامـي=صاح من غاده وبلواه من ريمـه
ابتدت حرب المعنـى والاريامـي=انشدالافواه عـن حكـم تكميمـه