اشهر 25 كذبه عند الشباب <<< الله يستر

هذي بعض كذبات الشباب على البنات

1- حبيبتي تدرين والله انا ماعندي حركات الشبااب .. ماكلم بنات.. اصلا ماحب هالحركات.. (( واهوا يكلم نص بنات الديره ))

2- مادري حبيبتي احس اني اعرفك من زمااان (( هع هع اي صح ))

3- حبيبتي احس انك غير عن كل البنات احس انك مختلفه وغير عنهم (( ليش بالله لوني احمر ولا ازرق ))

4- حبيبتي والله احس في اشياء كثيرة انا وانتي نتشابه فيهااا .. كأننا شخص واحد (( اي من كثر ماتلزقت فيني ))

5- ياليتني ياقلبي عرفتك من زمان (( اي عشان اشتريلك رصيد حق الباجي ))

6- حبيبتي انتي تامرين قلبي امر .. كل اللي تقولينه البيه (( ولي طلبتي منه شي اطلعت اعيوونه ))

7- حيااتي ابيك تتغطين عشان ما احد يشوفك غيري لاني اغاار (( يا عل عيوونك البط قول امين ))

8- ابجي اخطبك من اهلك بس بعد ما اكون نفسي (( حشى مجمع تجاري مو ادمي هع هع ))

9- يا قلبي ابغى اشوفك باقرب وقت ماقدر على الشوق اللي ذبحني (( ابركها من ساعه الي افتك فيها منك ))

10 - انا احب الشعر ومن هواياتي الرسم والسباحه (( الاخ صايرلي عنتر ))

11- حبيبتي حطي في بالك ترى انا اذا حبيت حبيت من كل قلبي (( اقوول انا رقم جم الي اتقولها هالحجي ))

12- علاقتي فيك محد يدري فيها ابد لانها تعتبر من اهم خصوصياتي (( وهاذا ويهي اذا مو نص الديوانيه تدري ))

13- شكلي حبيبتي راح اطق لي جاكوار من الوكاله (( اقص ايدي اذا مو سيارتك لانسر وكله ريحتها اكل ))

14 - احتمال اروح سويسرا الصيف الجاي (( يعني ولد كشخه واهوا اذا كشخ راح البحرين ))

15- دايم اشتري عطوري من برا (( عاد بهاذي صدقت اشووف ريحتك امبينه من اول ماتمر ))


16- لما اشوف رقمك في جوالي قلبي يفز من مكانه (( اي من الخرعه عبالك طايحه عليك ولا شي ))

17- فلان قال لي اعطيه رقمك .. بس انا قلت له اقتلني قبل ماتاخذ رقمها مني (( واهوا امخليه سبيل حق الرايح والراد ))

19 - حبيبتي ابغا صورتك اخليها عندي عشان قبل ما انام اشوفها واحطها تحت راسي وانام (( اي عشان اذا مليت مني تهدد بعدين ))

20- اسف حبيبتي امس ما اتصلت عليك بس كنت مشغووووول مررررة مع الدراسه (( الا طايحله رضاع مع الصاحبه ))

21- تدرين حبيبتي انا دايما البنات في المجمع يطلبون رقمي ... بس انا ماعطيهم فيــس دام انتي حبي (( قصدك اهما مايعطوونك فييس ))

22- والله حبيبتي كان ودي اجي عالموعد اليوم بس صارت ظروف صعبة جدااا وماقدر اجيك (( قوول امواعد مافيها شي ))

23- امس مانمت... طول الوقت افكر فيك... اخذتي عقلي حبيبتي (( ياحراام المسكين مونايم واهوا تلقينه عاض المخده من كثر النوم ))

24- انتي احلى بنت شفتها بحياتي ماظن القى احلى منك (( ماعندك غير هالجمله ترى حفظناها ))

25- الظاهر بشتري كمبيوتر جديد... كمبيوتري صار له شهرين معاي وكمبيوتر اخوي مايعجبني والكمبيوتر الثاني ماتأقلمت معاه (( قصدك ماعرفتله .. صج ولد فقرر متعوود على الـ Pc شاشه وماوس وكيبورد ))


ههههههههههههههههههههههههههههههههه
انشالله تعجبكم تعليقااتي ويكوون الموضووع عجبكم
^_*

ملطووووووووووووش