هذه القصيده أعجبتني وهي وصلتني عن طريق الأميل من أحد المواقع .. وهي بالأكيد ردة فعل
اتمنى ان تنال رضاكم ..
اللي ينوش الناس يصبر ليا نيش = راس ٍ براس وغارةٍ بعد غاره
بعض الكلام يزيد الأوضاع تشويش = وبعض الملام يزيد روحك خساره
ياهاجسي وان حلّ ليل الدراويش = أشعل على شمس الحقود إنكساره
قلّ للضفادع ... مدري قلّ للخفافيش = كثر الصخب مازاد ناقص وقاره
ماجيت أطالب للبراكات... بخشيش = دام المواقف ماتساوي... زقاره
ياهيه... ريّح بالك شوي بشويش = اللي سواتك... في عماره دماره ؟
أول علاجك... وافهم العلم تطنيش = وثاني علاجك... وافهم العلم إشاره
وإن مانفع بك... وافهم العلم(( يا....)) = عهدٍ علي لجعلك... رمز الحقاره
مثلك يلاقي بالسقايط ... عراميش = مالك ومال اللي ينومس وجاره
شعر / منصور المشيقح .. المهاجر .. المصدر ابيات كم
تطنيش ... 
العرض العادي
