. لانها أكله خفيفه وحلوه وهي اسمها الباونتي .. ومقاديرها مب وااايد وطريقتها سهله ..

المقادير:

1 بسكوت السنافر

1 قشطه

زبده

ثلاث ارباع كوب جوز الهند

نصف علبة محلى مكثف

كاكاو جالكسي .. يفضل اللي بدرهمين

( أفضل إنكم تغيرون بدل الجالكسي بكاكاو نوتيلا .. لأن توهم الحين قالوا لي إن الجالكسي يحتوي على جرثومه وإنهم ارسلوا بسحب المنتج من جميع الدول .. خساره مع إني أحبه واااااااايد وبيكون أحلى من النوتيلا بس الصحه فوق كل شي )



طريقة التحظير :

نطحن البسكوت بس ما يكون ناعم وايد .. ولو تكسرونه وتطحنونه بإيدكم يكون أحسن .. بس إذا ياكم شد بإيدكم أنا ما يخصني ^_^
بعدها نذوب الزبده ونضيفها للبسكوت مب وايد بس لين ما تشوفون البسكوت صار منثور يعني تقريبا مثل الخبيص ..
وبعد ما نخلص نحط البسكوت ونرصه في الصينيه وتكون من زجاج .. هذي ما أدري شو اسمها بس أنا أسميها صينية الفرن ^_^ ..
ونخليهم على صوب

نروح الحين للقشطه والمحلى وجوز الهند .. نخلطهم مع بعض في الخلاط .. على الأقل بس دقيقه .. ونصب الخليط فوق البسكوت في الصينيه .. ونحطها في الفرن ونخليها لين ما تحمر من فوق بس .. اشوي مب وايد يعني تقريبا تكون مثل البسبوسه ..

نروح للكاكاو .. ونذوب اشوي منه مع اشوي من الزبده .. تقريبا تكون الزبده كبر الصبع .. ونذوبهم مع بعض .. وبعدين ندهن الكاكاو في الصينيه ونحطها في الثلاجه لين ما تبرد .. وعلييييييييكم بالعافيه ^_^



ملحوظه: هذي المقادير تكون لصينيه لا كبيره ولا صغيره .. تكون وسط ^_^

ملحوظه ثانيه للمتيم: لو سمحت ^_^ إذا شفت أي تنقيعه .. طوف .. أوكيك ^_^



والسموحه منكم ..

أختكم

عايشة في عز أبوها

الله يعطيك العافيه اختي عايشه بعز ابوها
طبق سهل واكيد لذيذ جدا اتمنى لك التوفيق
ولا تبخلي علينا مما تعلمتيه جزاك الله خير
اختك دلوعة خيبر

:

عايشة في عز ابوها


تسلم الآيــادي يا مبدعتنا

الله لآ يحرمنا من وصفاتك يالغلآ

تـحـياتي

:
__________________

مشكورين أخواتي على تشريفكم للموضوع

الله يعطيك العافيه اختي عايشه بعز ابوها

تشكرات لك يالهيب زيارتك للموضوع

يعطيك العافيه
تقبلي مرورى
تحيااااااتي