قال لو حبيت غيرك وش تقول؟
قلت احاول قد ما اقدر امنعك
قال لو عيت تطاوعك الحلول ؟
قلت أحبه يابعد عمري معك !

من الطرب البعض غنا المعازيم
والبعض غنا من المعاناة أوهام

الوهم يضميني وانا شارب الهيم
ما كن قلبي طاف في الود أوهام

غير المودة ما سكن فيني الضــيم
والضيمة مسموحة اذا الود أوهام

في غفلة الحساد جيتك وأنصاك
حظي ردي طاحت بقلبي سهامه


مجهول دربي هم ظلمة واشواك
أشوفها على عيوني غمامه


قلبي أبد ما ناش غير الذي جاك
يبري فوادي يوم يرسل سلامه


هاجوس قلبي من مودة ترجاك
يكن لك بالحب كل احترامه


ماراق قلبي في الهوى غيرشرواك
لسني تلعثم كان غيرك كلامه


زولك يراودني ويحكيني انساك
والقلب والله يرتجف في عظامه


ياحيف بل ياكيف يحيا بلياك
ان جا لغيرك يالله عجل حمامه

الصــدر يرجف من خفوقي ويهتز
ما غير هزه يعرف اني جنــــــازه

ياللي طعونـــه فوق ثوبي بتبرز
المس جروحي كان فكرك بيازه

لا تسمع الواشين وتقــــــول مبتز
جيتك ولي في صدرك اليوم عازه

كلمة فـي خاطـري دايـم تجـول ............... كلمـةٍ لوقلتـهـا لــه ماشقـيـت


ودك أن الحـب مايبلـى خـجـول .................. أنقضى بالصمت عمـري ماحكيـت


إن تلاقينـا وإلـى صمتـى يطـول ............. وإن رحل قلت آه ليتي لـه شكيـت


حايـرٍ بالصمـت مفقـود الحلـول .............. حيلتـي ترديـد كلمـة ليـت ليـت


كلمـا حاولـت اعبـر لـه وأقـول ............... ضـاع تعبيرالـكـلام وماقـويـت


شوق يدفعني وخـوفٍ بـي يحـول ............ لين ضاع الوقـت منـي مادريـت


يازمان الصمت بـي شـوقٍ يهـول ......... وانقضى عمري ولا أدري وش نويت