بسم الله الرحمن الرحيم
هذه القصيدة مشاركه في احتفال أهالي قرية دليهان في عيد رمضان المبارك هذا العام 1429هـ
مبـداي باللـي للمخايـق رحمـان=في قدرته والي علـى كـل والـي
طالبه عفوه يوم ز وغات الأذهـان=في قدرته واللي علـى كـل والـي
ومن بعد ذكـر الله نبـدأ بقيفـان=والشعر جاله في لزومـه مجالـي
والشعر له مبدأ ومعنـى وعنـوان=ويجب على الشعار نظم الجزالـي
شعراً بيوته ماتناسـق بـالأوزانه=ذا ماهو شعـراً يسمـى هبالـي
واليوم يوم أفراح والشعر بـه زان=تعبيـر للأفـراح فيـه احتفـالـي
نهني لابو نأيف واهالـي دليهـان=والتهنئة من شخص غالي لغالـي
الله يهنيهـم ويرفـع لهـم شـان=ويجعل لهم حظاً بالأمجـاد عالـي
ويزيدهم من رحمته خير وإيمـان=نطلب عساهم مسعديـن الحوالـي
وصدق المشاعر ماتعادل بالأثمـان=ويازين لحظات الوفـاء للرجالـي
دعوة محبٍ صادق القلب ولسـان=ويرجي ثوابه من عزيـز الجلالـي
محيي محيل القاع من نو الامـزان=وبأمره توقف شامخـات الجبالـي
عـلام شـيٍ ماتكـون ولا كــان=ويجيب للمسلم صـدوق السؤالـي
والحمد الله دارنا خيـر الأوطـان=ومحـرمٍ لغيـره تشـد الرحالـي
إلا لبيت القدس في بعض الأحيـان=عسى لنا بشوفه يصيـر احتفالـي
بقيادة المهتم في مجـد الإنسـان=ياعلنا مانشـوف كرسيـه خالـي
عبدالله اللي فعله للأقـوال برهـان=قائـد وطنـا للـعـلا والمعـالـي
صقر العروبه منهجه بالوفاء بـان=وبعد الولي للخير منـه احتمالـي
وساعد يمينه طيب الفعل سلطـان=وينـول مجـداً طايـلاً ماينـالـي
واخوانه الوافين يانعـم الاخـوان=عز الله ان العـود خلـف عيالـي
ياصـار للأفعـال بالفعـل ميـدانأ=كيـد الأول باقيـاً لـه تـوالـي
وحايل زهت في عقد لولو ومرجان=بالمدن توصف في وصوف الجمالي
سعود طـور للسياحـه وعمـران=حايل بشرح الوصف وصفه مثالـي
وعبد العزيز بن سعد ذرب الايمان=نائب لابو فيصل كريـم السبالـي
وعبدالله بن خالد على الخير شفقان=لاما نته من والـي الامـر شالـي
وشعبٍ وفي مايوم لقيادتـه خـان=لأمر الملك طايـع بكـل امتثالـي
ومن خانهم ماله مع الشعب حسبان=يـروح دربـه للفنـا والـزوالـي
قلته وأنا ربعي لهم بالوفاء شـان=عيال السويـد مبعديـن المدالـي
تاريخهم معروف والفعـل وكـدان=كلاً لتـاج المجـد بالفعـل نالـي
من روس شمر مجدهم سابقاً بـان=وشمر لهم في كـل مجـدٍ مجالـي
وافين للوافين فـي كـل الأزمـان=ومنزالهم روس الطـوال العوالـي
مدحي لهم ماهو للي غير حقـران=اقسم باللي ينشي حقوق الخيالـي
كل القبايل نعـم مافيـه نقصـان=غربه وشرقه والجنـوب وشمالـي
والعذر كاني كنت بالقيـل غلطـان=لله توصيـف الوفـاء والكمـالـي
وصلوا على خير البشر نسل عدنان=وشفاع للمخلـوق مابـه جدالـي
اعداد مالمخلوق تنظـر بالأعيـان=وماشاهدوا وقت الغروب الهلالـي
الشاعر/ سميحان بن فهد السويدي الشمري..
بقيادة المهتم في مجـد الإنسـان=ياعلنا مانشـوف كرسيـه خالـي 
العرض العادي
