هذا طال عمركم محشش
فلتة زمانه
تفكيره لبعيد
يحب البحوث والتحليل
وفي يوم كان فاضي
وفاهي
ومحشش من قلب
وفكر يكتب له بحث
وقرر يسميه
"
"





لماذا سميت الكليجا بهذا الاسم؟




كان ياما كان.. كان في مزارع حبّوب في بريده الحبيبة

اسمه سليمان؛

عنده مزرعة كلها كوسة وحبحر 'فلفل' وجح'بطيخ'؛

وعنده حمار وحصان وزوجته وبنته؛

وكان هالمزارع قعيطي 'بخيل جدا'لأبعد درجه

ولا كانوا يطبخون إلا وجبتين غدا وعشاء بس

والصبح ياكلون تمر ويشربون دله قهوه وشوي شاهي وخبز إن حصل؛

وبعدين يطلع السلمي 'سليمان'للمزرعه

ومثلك عارف البنت تجوع وماله داعي بدون فطور؛

أمها إذا طلع السلمي'سليمان' تسوي قرص'فطيرة بالفرن' لبنتها -الكلام هذا قبل يطلع اسم الكليجا؛

وإذا سوت القرض'فطيرة بالفرن' تجيبه بسرعه للبنت وتقول
كوليه'اكليه' جا أبوك .. كوليه 'اكليه' جا أبوك

علشان مايطقها إذا شافها تاكله


ومع الأيام وسرعه الكلام.. صارت تقول
كولي جا بوك .. كولي جا بوك

ومع الأيام برضو
اختصرت الكلام وصارت تقول
كلي جا .. كلي جا

وصار اسمها كليجا!؟

ماشاء الله عليه
محشش ذكي
وباحث ناجح