تمنيتك بجنبي وارتكي يمك تحاكيني=أبشكي لك ظروف الوقت واشرح لك معاناتي
ابحكي لك عن الغربه وناره كيف تكويني=وبشرح لك عن غيابك وكيف تمر ساعاتي
غريب وغربتي بعدك وهجيرالشوق يضنيني=وناجي حلمك الوردي وعيشه في كتاباتي
اراجع ذكريات الامس تفرحني وتبكيني=واقول الله يازينك سعاده من سعاداتي
انا هيمان في حبك ويسري في شراييني=انا مكحول دمي حب حروف اسمك عباراتي
ألاياحبي الدائم سكن قلبي وكافيني=وغيرك ماقدريعرف وش اللي ساكنٍ ذاتي
تجمل يادواء روحي دخيلك لاتخليني=دخيلك تسمع القصه تمتع في خيالاتي
رسمتك صوره بعقلي اطالعها تسليني=وكتبت اسمه(غلا،رابح)اداعبها بنظراتي
وحفظت الصوره بقلبي خيالك به يناديني=اسامر صورتك وحدي ياأجمل كل لحظاتي
اشوفك فرحة ايامي احسك سلوة اسنيني=اعيشك عالماً ثاني وتشك الناس بسكاتي
فضول اصحابي احرجني بكثرة قول وش فيني=تكرر عذري المفضوح واجامل ببتساماتي
ألاياعشقي العذري متى قربك يدفيني=ابيك اتضمني يمك وتسمع صوت آهاتي
ترى دنياي بغيابك اتعبني وتشقيني=انا لولاك ليش اسعى وليش اعد خطواتي
انا مليت كل الناس تعال ارجوك خاويني=ابي عندك طوال الوقت وننسى كل مافاتي
تعال احظني بصدرك بحنان الحب غطيني=ابسكن بين احظانك إذا ودك مسراتي
وإذا احدٍ سأل عني بكم البشت ظفيني=وقولي له رابح مين؟غلط ماهو معرفاتي