احيانا تنتابني مشاعر وتسكن قلبي جراح ولا استطيع كتمانها والسيطرة عليها ومن ثم تتجاوز هذه المشاعر كل حدودي فاحاول ان اعبر عنها ببعض الكلمات والمفردات البسيطه فانا ابنة كل شهيدا في هذا الوطن وهذه بعض مشاعري اهداء لوطني الغالي..........
اتمنى ان تجد لديكم الصدى الطيب.......
أنا بنت مواطن ورجل أمن ضحى بحياته
من اجل تراب وطنه وبلاده ......
أنا بنت ذاك المواطن اللي اسمه سعد لامحمد لاحمد ... المهم
اللي ترك أولاده من اجل حرمة بلاده........
خرج وقال أنا عندي خغارة وبرد بأذن الله ومع السلامة
وودع أولاده مثل كل يوم وخرج يخدم بلاده.........
لكن كان القدر له معه وقفه والتفاته.........
كان الشر وإرهابه متربصون له يبون ينالون من الوطن ورجال أمنه
سعد قاوم اللي يحاربون ارجال الدين وأسياده ودافع عن حرمة بلاده
لكن كان القدر أسرع مات سعد ولا رد ا لبيته ولا أولاده..........
وأنا كنت انتظر أبوي يرد مثل كل يوم وكل عاده........
يامه وش فيه أبوي طول ماهي العادة
دوم يرد بعد نهاية دوامه أكيد راح يم دار جدي وجدتي يمه..... ويجيبهم معه كالعادة
وتصير الساعة ثلاث ويجي عمي وخالي وبوجوهم خبر واسئل عمي وخالي وش السالفة
وين أبوي يقولون مات رحمة الله عليه ادعون له بالرحمة
وتراه شهيد عند ربه ولا تبكون عليه رجل مات في سبيل الوطن ورفعة أترابه
بس أنا عندي سؤال أبي له جواب ......
ليه ليه وش هو ذنب رجال الوطن.......
ورجال الدين ورجال الحكم وأسياده .....
وأبي أسئل مليون مره كل إرهابي يدعي الدين ويعلن إسلامه
وين هو الإسلام منكم ومن أفعالكم ألشينه.....
هل هذا جزء الوطن وخدمته ورد جميله.....
خافوا ربكم يامن تدعون الإسلام ...
وتدعون الدفاع عن الحق ونصرة دينه
..............
أبنة شهيد............. 
العرض العادي
