يا منبع العزه ويانور هالكون = لا أظلمت الكون نورك ضوا به
أنت الذي بالكون الكل يدرون = نورك بوسط الكون كلن مشابه
نمشي على نورك ودول يمشون =يوم الشعوب في غمام وسرابه
شعبك بعز وفخر وابليس ملعون =رفعت راس الشعب كلن درابه
يا ناس أبو متعب به العز مفتون = العز من عزه يفقد صوابــــــه
ملك عظيم وشعبه له يبيعــــــون = الروح فدوه لكلمتن من خطابه
قايد عظيم ومنه الشعب يجنون =العز والشيخه وكثر المهابـــــه
تسلم مليكن هز ذا الكون بفنون =يوم الشعوب دموع عجلناً سكابه
بعهد أبو متعب لنا المجد مرهون = يا سعد منهو من البشر التجا به
ساوا جميع الشعب غصبن بلاهون=شيخ المراجل والوفا ينتخا به
واقولها ومثلي كثيرين يدرون = حتى العمـــى فتح وعوِض شبابه
مير الرجا باللي له الناس يرجون = اللي خلق آدم وبالكون جــا به
و ادعو معي ياللي دومن تصلون .=للي بهالدنـيــا عـظـيـمـن ثوابــه
ياللي لبيته كل عامـن تحجــون = يبقي لنا منهـو عـزيـزن جنـابــه
يمد عمـر اللي له الناس يدعـون = مثل عمر شعيب عمــرن حيــا به
يا رب احفظه من كايد وملعـون = من غيره الدنيا وش ينبــغــا به