لاطالعوها!!!قلت...تكفووون ياعيال ...

قـائـمـة الأوسـمـة · 07-May-2007, 01:55 AM

]

قصيده براءه اعجبتني واتمنى ان تحوز على رضاكم واستحسانكم بالنسبه للشاعر لا اعلم من هو شاعرها
ويقول:


	عهدي بها قدام تلبس عبايه وأنا بعد قبل ألبس شماغ وعقال طفلين نتهجا حروف الكتابه الله يامجمل سواليف الأطفال كانت لنا في كل شارع حكايه وكنا نقول علوم ماهي بتنقال وكنت أتقاسم مامعاها معايه من آيسكريم التوت لعلك أبو ريال وكانت بعكسي شاطره بالقرايه تقرأ جزء عمى وطه والانفال وانا لك الله من مواري غبايه مدري أبو نقطه هو الذال أو الدال وكانت لأبويه تشتكي من شقايه وتعلمه كيف أربط الباب بحبال ياما على ظهري كسر من عصايه يقول لي خلك وأنا أبوك رجال وأمي تقول إدع لولدك الهدايه خوفي يصيبه كثرة الضرب بهبال لاشفتها مع أول الدرب جايه ماأدري أنا اللي ملت وإلا الوطاءمال أحس قلبي يرتجف في حشايه ماكنه إلا الضيف لاهز فنجال ياما عن السعلي تخبت ورايه لاخوفوها فيه ثم شافت ظلال تقول ... خلك يا(....)معايه وأستانس ألعب عندها دور الأبطال وأغاااااار حتى من عيون أصدقايه لاطالعوها!!!قلت...تكفووون ياعيال (ها البيت روعه)

قـائـمـة الأوسـمـة · 07-May-2007, 02:14 AM

وتبقى الروح روحي

شكراً لكـ على نقل القصيدة

قصيدة جميلة وصادقة

صح لسان شاعرها

وسلمت أنامل ناقلها

اسمحيلي

انقل هنا رد شاعر لهذه القصيدة

حيث قال

عهدي بها ياعزوتي ويارجايه=قبل الحضاره بكل روض ليا سال
نفرح ونلعب بالبرد ياشقايه=وشوف الخزامى يشرح الصدر ياعيال
احلف برب البيت كانت معايه=نكمى بروض ضاربه قبل همال
شفت الزبيدي وكان يركض ورايه=هي غايتي هي منوتي هي هوى البال
واليوم شوفي لها تبخر دعايه=صكوا عليها ودونها شيوخ ورجال
بعد الخباري فوق راسه عبايه=وصارت تحط الروج ولعيونها ظلال
ليا شفتها بالسوق آيه وآيه=كل البنات لحال والغالي لحال

تقبلي مروري

ودمتي بكل ود

قـائـمـة الأوسـمـة · 07-May-2007, 02:33 AM

هلابك ملاييين اخوي نايف
صح بدنك
اسعدني حضورك الكريم .......لاعدمناك
وبخصوص الرد روعة وكل بيت أحلى من الي قبله
تقبل ارق واعذب التحايا
دمت بأحسن حال

07-May-2007, 09:12 AM

وتبقى الروح روحي
///
//
/
يعطيك العافيه على هالنقل الرائع
سلمت اناملك
ودمتي كما تحبين
///
//
/
((هــيــبــة مــلــكــ))

07-May-2007, 11:24 AM

صح لسان قايلــهاا

ابيـــااتــ استمتعتـ بقرأتهـــا

وتبقى الروح ....سلمتــ يداكـِ على نقلهااا ياذووق

واليوم شوفـي لهـا تبخـر دعايـه
............................صكوا عليها ودونها شيوخ ورجـال

والفــ شكــر للنـايفــ في نقل الرد للقصيــدهـ ...

قـائـمـة الأوسـمـة · 14-May-2007, 01:12 AM

اقتباس:

المشاركة الأصلية كتبت بواسطة (هـيـبـة مـلـكـ)

وتبقى الروح روحي
///
//
/
يعطيك العافيه على هالنقل الرائع
سلمت اناملك
ودمتي كما تحبين
///
//
/
((هــيــبــة مــلــكــ))

مررررررررررررراحب

ومن قال يسلم ربي يسعدك

تحياتي لمرورك العطر
دمت بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري