هذه قصيدة الشاعر ناصر القحطاني الرائعة في قبيلة شمر
******************





الشمس غابـت وكـل ٍ دوّر سراجـهوالشوق جمّر محـرّ الشـوق لاجمّـر
دام اتجاهك شمـال مودعـك حاجـهسلّم على حايـل وسلّـم علـى شمّـر
قدامك الخافـق اللـي ينشـد علاجـهكنه معلّـق علـى بـرزان ومسمّـر
وانت تعرف يا بعد حيي مـن تواجـه-بيضان الافعال لامن الزمـن سمّـر
ان ضاقوا أعنف من البحر وامواجـهوان راقو اركد من الخرمان لا عمّـر
كم صيت بيت ٍ عتق في الباب مزالجهوكم شيخ اماره قبـل تعيينـه مومـر
وكم حاتمـي ٍ تكفـيّ فلّـة احجاجـهوش لون للضيف لو عن ساعده شمّر ؟
وان مـر تاريخهـم متلبـس ٍ تاجـهكم عاشق ٍ كيّف وكـم حاسـد ٍ زمّـر
في جو ٍ اغلى على الرجلي الى داجـهمن ديرة السادس ومن ديـرة معمّـر
كنّه الا اهـدى لـه البـراق فجاجـهخلت غرير ٍ ضحك ومن الخجل حمّر
توارثـو حرثـه وتمتيـر ديبـاجـهركابة الجيـب مـن ركابـة الضمّـر
الودّ لا غرس بدري صعب مخراجـهوالله ولا الـذّ واحلـى منـه لا ثمّـر
ادخل على اللي تطوف البيت حجاجـهمن ناقص ٍ عند مـدح الغيـر يتذمّـر
والمدح لو كان في الرديـان للصاجـهويقال عمّر بلـد بالعـون مـا عمّـر
والذّم لـو زاد فـي الطيـب تولاجـهلا احرق ولا اغرق ولا عمّر ولا دمّر
ماني بمتحسف بشعري علـى حاجـهالا اني اروح ما غنيـت فـي شمّـر



*********************************
هذا رد الشاعر احمد الجريفاني الشمري

على قصيدة الشاعر ناصر القحطاني في حائل وشمّر..
******************





هلا بشهمٍ صدق في رسـم منهاجـههلا بمنهو تمثّل فـي جبـل شمّـر

هلا بمن تعجـز القيفـان لحراجـهومن حقه إنه على القيفـان يتأمّـر

وصل سلامك ولا يحتـاج ديباجـهعمّرت صرح الغلا ياعلّـك تعمّـر

نظمت عـذرا تهبّـل فـي تغنّاجـهلو حاول احدن يجاري حسنها قصّر

يامير الاشعار يامن يحسـده تاجـهاعذر محاكيك بالقيفـان لـو كـرّر

لو يمرض الجود نادوا فيك لعلاجـهتعطى البشاره لمن في جيتك بشّـر

لو يظلم الكون نورك يجلب افراجـهماعاشرك في حياتك حـي ويكـدّر

يشهد لك ا لليل لامن ضوت ابراجهويشهد لك الحبر والاقـلام والدفتّـر

والطيب يشهد لك انك صرت هداجهنعم المراجل ونعم الاصل والمخبـر

قحطان كنه محيـطٍ تلطـم امواجـهطوفان عارم ليامن الهـوى زمجـر

ولامن هدا الموج يهدي غالي انتاجهالدر واللـول والمرجـان والعنبـر

ما رامهم طامع إلا يرجـع ادراجـهالليث ماينقرب خـصٍ ليـا كشّـر

نبراس عزٍ يسـرك فـي توهّاجـهمن خلقت الكون حتى ساعة المحشر

يامن نظمت البيوت وقمت بخراجـهعسى حياتك سهود ولايجيك الشّـر

منت الذي يحسب بيوته على حاجـهحنّا هلك والجبل في مثلكـم يفخـر

ولا غابت الشمس محدن دور سراجهنور القحاطين ساطع في جبل شمّـر

منقول تحياتي لكم

اشكر مرورك الكريم اخي حايلي
تحياتي

الله يعطيك العافية
وصح لسانك ولسان الشاعرين القحطاني و الجريفاني

الله يعافيك
وصح بدنك اخوي بسام
مرورك زادها رونقه وتحلت
بوجودك ووجود حايلي
شاكر مروركم تحياتي لكم