مرثية طلال الرشيد
الظلام اللي يسمونه ظلام= انتشر واصبح سواده مستديم
موتتك يالضيغمي والله حرام= قلتها واستغفر الله العظيم
كلنا بنموت مافيها كلام= بس (غبن) نموت فيدين الغشيم!!
من يجيله نوم من يقدر ينام= نام حظ المعتدي ذاك اللئيم
ماستقام الحال بعدك ماستقام= والله ان اللي عمد قتلك سقيم
في(الجزائر) اعدموا روحك عدام= ياعسى من اعدمك يصلى الجحيم
كنت في(المقناص) في ام العظام= وصرت وسط (العود) في قبرٍ ظليم
ابتدينا العيد بافراح وسلام= واختتمنا العيد بصياح الحريم
هاجت (الحيه) على نسل الكرام= ثالث الاعياد واغواها الرجيم
سالت الدمعه على وجنة مرام= ومابقى باالمقتنع جرح ٍسليم
هاجرت من يومها اسراب الحمام= وصارت الغربان بااعشاشه تقيم!
ياطلال اللي على صدرك وسام= ياوسام العز يالشهم الكريم
في قلوب الكل لك قدر ومقام= يازعيم الطيب يانعم الزعيم
نفتخربك عد من صلى وصام= وعد مافي الارض من طفل ٍفطيم
نفتخر بك دوم ومافيها ملام= انت ابو نواف نبراس اليتيم
والله انك تستحق الاحترام= منتهج نهج الصراط المستقيم
فيك اعزي كل (شمر) والانام= وفيك اعزي كل رجال ٍحليم
غبت يالملتاع مافيها كلام= يرحمك يامسندي رب ٍرحيم
يعجز شعوري على وصف الملام= كيف ابوصف لحظة العلم الاليم؟
موتتك يالضيغميي والله حرام= قلتها واستغفر الله العظيم
كلنا بنموت مافيها كلام= بس (غبن) نموت فيدين الغشيم!
,’,’,وسلامتكم,’,’,
منقول
الشاعر يعقوب الشمري يرثي طلال الرشيد 
العرض العادي
