(( حاجة ٍ صارت )) .. تفضلوا بالدخول ...

قـائـمـة الأوسـمـة · 31-May-2007, 01:23 AM

السلام عليكم ورحمة الله وبركاته ...
ولازال التواصل مستمر مع اخواني الاعضاء ..
وهنا اقدم لكم هذه القصيده لي وأتمنى ان
تنال رضاكم وشكرا ً ..

يالـردي ماهمنـي هـرج ٍ تقـول ولاتهـيـن= الاالـردي مثلـك ومـن رام المعالـي مايهـاب
ولـو تـذم الـذم عمـره مـايـردي طيبـيـن=يشهد الله والرجـال شهـود والمعنـى صـواب
واشهد ان المـدح ماطيْـب عفـون الساقطيـن=والشهـاده حـق واللـي تزعلـه لابـد خـاب
المعـارف ماتعـرٌض عنـد نـاس ٍ عارفـيـن=والضواري نبحهـا ماطـال هامـات السحـاب
الـدروب ادلهـا واعـرف يسـاري واليمـيـن=وان بنيت القاف وافي مانقـص فيـه الجـواب
أركـز المعنـى ويفهـم ماقصـدت الفاهميـن=والهبيله لو يشـوف المـا يقـول انـه سـراب
ان مشيت امشي علـى سلـم الجـدود الاوليـن=وان نصيت فلا نصيـت الا عزيزيـن الجنـاب
وان ضربت فلا ضربت الاعلـى حبـل الوتيـن=وان سكت الصمت بعض احيان هو عين الصواب
وان ضحكت اضحك طبيعي ماخذيـت الاسبريـن=وان حزنت الحزن عـاده عندطلقيـن الاشنـاب
الـردي ماشـال هـم وذا تـرى علـم ٍ يقيـن=والمعالي مالهـا الا مـن لهـا سـاق الركـاب
والمـزون اللـي تهـل ولا مرابعهـا تبـيـن=والله ان من خبث الارض اللي مغرقها السحـاب
لايمـي ماتـدري انـك تشبـه ابليـس اللعيـن=زادك النمـه وغـرات العـرب عنـدك شـراب
لاتـكـل ولاتـمـل ولاتـجــود ولاتـعـيـن=توهم الساري بعونه وانـت ملعـون الصـلاب
خابرينـك لـو تمثـل قصـدك بوجهـك يبيـن=لاتـذرى بالعـرب يامـال قصـاص الـرقـاب
جيـت ابيْـن ماحصـل لكـنٌ وجهـك مايليـن=تجهل المعنـى ومثلـك مابلـغ فيـه النصـاب
ياقليـل العـرف قلـي كـان تفهـم للرطـيـن=وش رصيدك بالحيـا مالـك رصيـد ولاحسـاب
حاجة ٍ صـارت وبيْـن ردهـا فـوق الجبيـن=واحسافة مـن تعنـى مـاادرك افعـال الخيـاب
حول خمس سنين والمالـك يهيـن المشتريـن=ماجنى المالك عطاه ومملكتـه امسـت خـراب
يامراجيـن العـزيـب ويامهـاديـن القطـيـن=والله ان اللي جرى علـم ٍ مثـل لـون الغـراب
العـرب عافـت عربهـا والبقيـه مستحـيـن=لارعى الله من رعـى واطيـن يامـال الذهـاب
فيه حاجـه صايـره والنـاس فيهـا جاهليـن=وان تكلمـت الكـلام يزيـد حزنـي والعـذاب
ياعـرب قومـوا تـرى ماباقـي الا كلمتـيـن=( نخْ) ولا(طـسْ) والمعنـى موضـح بالكتـاب

اخيرا ً انتضروني ً في طرح قصائد
جديده لي واتمنى ان ترضي مشاعركم....
تحياتي وتقديري .. بدرعيد ..

31-May-2007, 02:43 AM

الـــدروب ادلـهــا واعـــرف يـســاري واليـمـيـن
وان بنيـت القـاف وافـي مانـقـص فـيـه الـجـواب

ونعم والله يا خالي..صح لسانكـ..أبيات مثمّنه..الله يسعدكـ..

أقبل مرور خراب السفينه..

31-May-2007, 02:51 AM

والـمــزون الـلــي تــهــل ولا مـرابـعـهـا تـبـيــن
والله ان من خبث الارض اللـي مغرقهـا السحـاب

صح لسانك ولاهنت

قـائـمـة الأوسـمـة · 31-May-2007, 04:34 AM

خراب السفينه مرحبا ومسهلا
وصح بدنك الف , وعسى خالك
مايخيب ضنك , الف شكر على
الحضور والرد...
تحياتي وتقديري .. بدرعيد ..

31-May-2007, 11:04 PM

صح لسانك يابدر عيد بكــلام لـك ثـمــين
القــصـــيده وافـيــه من وافــي ٍ قـولــه صـــواب
انت تتـحفنا ولـكنـك تغـيـــب ولاتبـــين
واللـي مـثـلـك ودنـا مــا عـن الســـاحــــه يـغــــاب
تحياتي لك اخي بدر,,,,

قـائـمـة الأوسـمـة · 31-May-2007, 11:33 PM

صح لسانك
ماءشاء الله عليك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري