يامرحبا ياطارق المحياس والليله يازين = الطرق والهاجوس والشاعر اليا منه شّعر
سلم على شمر ولاتنسى مطير الغانمين = وعتيبه وكل العوازم بالكـلام المعتبـر

وعليكم السلام يابن الذيب ومـن العايديـن = يااللي تجيب العيد للعالم وهم بأتـلا صفـر
يامرحبا ترحيبـةٍ تلهـد كبـود المغرضيـن = ويامرحبا بالسالفه لو هي على بطن وظهر
ابشرح الموضوع والموضوع بين الصفتيـن = وبدخل الصبغات والأحماض وسط المختبـر
في كرنفال الشعر والركاب ويـن إمسافريـن = اللي على رجل وعصا واللي عما واللي عور
الماركه مستوردة حسبي على المستورديـن = وعن الشمول المنتخب مضمون ماقل ونـدر
ماتجبرون اكسوركم يالعالـم المستهتريـن = خلو اثارات الفتن وعيـون خلـق الله قشـر
اشوف لي دنا مع السكـه وركابـه اثنيـن = واحد سفيه و واحـدٍ عاقـل ولاكنـه فجـر
بين التهجم والدفاع وبيـن فـرك الراحتيـن = اللي يبي يجمع جمع واللي يبي يقصر قصر
ابريك يابن الذيب مادربك دروب الراشديـن = عن التبجح والخطأ حاول تدور لـك مفـر
عن التوهق لاتقع وتصير ضمـن الغابريـن = ويقع عليك طويق وتولـي وياكلـك القهـر
انت تعالج في دبـي الله يعيـن الصابريـن = الله يجيـب العافيـه والله يبكـر باالمطـر