فطوم ، عملت لدى عائلة قطرية كخادمة مدة 11 سنة متوالية وبدون اجازات ، أحبتهم وأحبوها
وأصبحت مثل بنتهم وأختهم ، ففي يوم من الايام جاءت فاطمة الى معزبتها ربة الاسرة وقالت :
ماما ! انا في رجال يسوي كلام بابا مال انا داخل فلبين ، يبي انا عروس
( الترجمة : خطبني رجال من ابوي في الفلبين )

المعزبة : مبرووووك فطوم ، بس انتي ليش زعلانه ؟؟
فاطمة : انا لو في عروس كيف انا بعدين ترشي فلوس ألشان بابا مال انا ؟
( الترجمة : لو انا تزوجت اشلون بعدين اطرش فلوس حق ابوي ؟ )

المعزبة : ولايهمج فطوم ، انا ازوجج أحسن زواج وأجيب خطيبج هني الدوحة وأزوجكم
وطارت المسكينه الفلبينية من الفرحة ، ومن فرحتها بغت اتخم وتنظف الفريج كله .

من هنا بدأت قصة الزواج ، التي تكفل بها مخدومي فطوم
اولا طبعا العائلة تكريما وعرفانا لفطوم والعشرة اللي بينهم جابوا المعرس من الفلبين
وعلى حسابهم وسكنوه في بيتهم وعدلوا لهم الغرفة ، صبغ جديد وغرفة نوم وزل على كيفكم
والمعرس جايب معاه المسكين البدلة السودة ولكن المعزبة قالت حق عيالها
فصلوله ثياب وجيبو له بشت ، وبالفعل تم ما أرادت الام

اما يوم الزواج الرجال والمعازيم من القطريين والفلبينيين المسلمين وحديثي الاسلام ، والعشا : ذبايح ماشاء الله .
وفطوم جابوا لها كوشة ، ودي جي اسلامي (DJ) ، و بوفيه من أحد المطاعم الفاخرة
والمعازيم من القطريات والفلبينيات وصديقات فطوم من خادمات الفريج
وكل هذا على حساب عائلة المرحوم / احمد بن عبدالله العبيدلي وأقيم الحفل في منزلهم العامر
في منطقة معيذر بتاريخ 19/4/2007 ، بصراحة اخنقتني العبرة !!!!!!!!

وإليكم الصور
( صور بالجوال )







ــــــــــــــــــــــــــــــــــــــــــــــــــ ــــــــــ
ودمتم سالمين....

جزاهم خير
جمعو شملاهم وهذة بادرة طيبة
غرور انثي مشكورة على الخبر
تحياتي لك

الله يجزاهم خير بادره طيبة وهي ليست غريبه على شعب دولة قطر

اشكر لك التعليق .. والله صدق الباردة طيبـة ولاكن هذهـ ليست بطيبة لو أنـه لبس لبـاس دياره لكـان خيراًً لـه ..

فرحان الضبعان